یاریگا –
بەفەرمی دانی ئۆلمۆ لە یاریی گەڕی یەکەمی لالیگا بێبەش دەبێت و بەشداری ناکات.
کەمێک لەمەوبەر هانزی فلیکی راهێنەری بارسێلۆنا لە کۆنگرەیەکی رۆژنامەوانی ئاشکرایکرد، دانی ئۆلمۆی ئەستێرەی بارسێلۆنا ناتوانێت لە یەکەم یاریی وەرزی نوێی لالیگا بەرامبەر ڤاڵێنسیا یاریی بکات.
فلیک دووپاتیکردەوە یانە کاتالۆنییەکە هێشتا نەیتوانیووە ناوی ئۆلمۆ لە لالیگا تۆماربکات، بەڵام بە ئەگەرێکی زۆر بۆ یارییەکانی گەڕی دووەم کێشەکە چارەسەر دەکرێت و ناوی تۆمار دەکرێت، دەتوانێت بەرامبەر ئاتلێتیک بلباو یاریی بکات.
هەفتەی رابردوو ئەستێرە ئیسپانییەکە پەیوەندی بە بارسا کرد، گرێبەستێکی شەش وەرزەی لەگەڵ یانەکە واژۆکرد و تا 2030 لە کاتالۆنیا دەمێنێتەوە.
سبەی شەممە کاتژمێر 22:30 بەکاتی هەولێر، بارسێلۆنا لە یارییەکانی گەڕی یەکەمی لالیگا لە یاریگای مێستایا دەبێتە میوانی ڤاڵێنسیا.
