یاریگا –
لەدوای 10 مانگ راگیران، ساندرۆ تۆنالی لەم مانگە بۆ یاریکردن دەگەڕێتەوە.
ماڵپەڕی فەرمی نیوکاسڵ یونایتد بڵاویکردووەتەوە، دوای 10 مانگ سڕکران، تۆنالی ئیتالی لە 28ـی ئەم مانگە بۆ یاریکردن دەگەڕێتەوە و سزای راگیرانەکەی کۆتایی دێت.
🇮🇹 We can announce that Sandro Tonali will return to selection on Wednesday, 28 August following the conclusion of his ten-month ban from competitive football pic.twitter.com/M50U0fkwOQ
— Newcastle United FC (@NUFC) August 15, 2024
تۆنالی لە هاوینی رابردوو بە بڕی 64 ملیۆن یۆرۆ، لە ئەیسی میلانەوە پەیوەندی بە نیوکاسڵ یونایتد کرد، گرێبەستەکەی بوو بە گرانبەهاتری گرێبەستی یاریزانێکی ئیتاڵی لە مێژوودا.
بەڵام بەهۆی تێوەگلان لە گرەوی وەرزشی و ساخبوونەوەی تۆمەتەکان بەسەری، بەشداری تەنیا 12 یاریی یانە ئینگلیزییەکەی کرد و 10 مانگ لە یاریکردن سڕکرا.
سەرەڕای تەواوکردنی سزاکەی، یاریزانەکە دەبێت بۆ ماوەی هەشت مانگی دیکە بە ملکەچیی بچێتە سەنتەری چارەسەری ئالوودەبوون بە قومار و گرەوکردن.
