دوا پەرەسەندنەکانی گواستنەوەی دەیڤز بۆ ریال مەدرید
ریال مەدرید سیاسەتی خۆی ناگۆڕێت
یاریگا –
بایرن میونشن لە ریال مەدرید بێهیوا دەبێت و چاوەڕوانی هیچ جوڵەیەک ناکات.
رۆژنامەنووسی تۆڕی سکای ئەڵمانیا فلۆریان پلێتنبێرگ بڵاویکردووەتەوە، بایرن میونشن پێشبینی ناکات ریال مەدرید لەم مانگە هیچ ئۆفەرێک بۆ گواستنەوەی ئالفۆنسۆ دەیڤز پێشکەش بکات.
کارلۆ ئانچێلۆتی بەروونی ئاشکرایکردووە لەم هاوینە هیچ یاریزانێکی دیکە ناگوازنەوە و مێرکاتۆ بۆ مێرێنگی کۆتایی هاتووە.
🚨🔴 FC Bayern have not expected Real Madrid to make an offer for Alphonso #Davies in August!
… now Carlo #Ancelotti has already announced a transfer stop.
Bayern are firmly planning on Davies for this season. The plan remains: if his performances improve under Vincent… pic.twitter.com/mQSaTRWpOZ
— Florian Plettenberg (@Plettigoal) August 15, 2024
بەگوێرەی زانیارییەکانی سکای، بایرن میونشن بڕیاریداوە، ئەگەر بەرگریکارە کەنەدییەکە لە وەرزی نوێ لەژێر سەرپەرشتی ڤینسێنت کۆمپانی ئاستێکی بەرز پێشکەش بکات، ئەوا ئۆفەرێکی نوێی بە زیادکردنی مووچەکەی بۆ نوێکردنەوەی گرێبەستەکەی پێشکەش دەکەن.
ئەگینا بە ئەگەرێکی زۆر لە هاوینی داهاتوو بەرگریکارە تەمەن 23 ساڵانییەکە بە گرێبەستێکی ئازاد پەیوەندی بە ریال مەدرید دەکات، بەڵام تا ئەم ساتە باڤارییەکان هیچ زانیارییەکیان لەسەر رێککەوتنی پێشوەختەی نێوان لۆس بلانکۆس و ئالفۆنسۆ نییە.
