یاریگا –
لوکا مۆدریچی کڕواتی ژمارە پێوانەییەکی نوێی لە مێژووی ریال مەدرید تۆمارکرد.
شەوی رابردوو لە یاریی جامی سوپەری ئەوروپا ریال مەدرید رووبەڕووی ئاتاڵانتا بووەوە و یارییەکەی 2-0 بردەوە، بۆ شەشەم جار لە مێژوودا نازناوەکەی بەرزکردەوە.
لوکا مۆدریچ لە خولەکی 76ـی یارییەکە لە شوێنی رۆدریگۆ چووە یاریگا، بەشداری پێنجەم یاریی جامی سوپەری ئەوروپای کرد و بۆ بە تاکە یاریزان لە مێژووی ریال مەدرید 27 نازناوی بەدەستهێناوە و ریکۆردەکەی ناچۆ فێرناندێزی شکاند، کە 26 نازناو بوو.
زۆرترین نازناو لە مێژووی ریال مەدرید:
لوکا مۆدریچ 27 نازناو
دانی کارڤاخال 26 نازناو
ناچۆ فێرناندێز 26 نازناو
کەریم بێنزێما 25 نازناو
مارسێلۆ 25 نازناو
مۆدریچ لە هاوینی 2012 بەبڕی 35 ملیۆن یۆرۆ لە تۆتنهامەوە پەیوەندی بە ریال مەدرید کرد، لە سەرجەم پاڵەوانێتییەکاندا بەشداری 535 یاریی کردووە، 39 گۆڵی کردووە و 86 گۆڵی دروستکردووە.
دەستکەوتەکانی مۆدریچ لەگەڵ رتال مەدرید:
6 جار پاڵەوانی چامپیۆنزلیگ
4 جار پاڵەوانی لالیگا
4 جار پاڵەوانی جامی جیهانی یانەکان
5 جار پاڵەوانی جامی سوپەری ئەوروپا
2 جار پاڵەوانی جامی شای ئیسپانیا
5 جار پاڵەوانی جامی سوپەری ئیسپانیا
1 خەڵاتی باڵۆن دۆر
1 خەڵاتی زە بێست
1 خەڵاتی باشترین یاریزانی ئەوروپا
