ریکۆرد؛ ئانچیلۆتی و ریاڵ مەدرید جامی سوپەری ئەورووپیشیان لەسەر خۆیان تاپۆکرد
یاریگا –
ریاڵ مەدرید جەنگەکەی وارشۆی پۆڵەندای بردەوە و بوو بە براوەی جامی سوپەری ئەورووپا لەسەر حیسابی ئاتاڵانتا.
گێمی یەکەم ریاڵ نەیتوانی وێنەیەکی نموونەیی پیشان بدا بە هەموو ئەستێرە ئامادەبووەکانیەوە و 0-0 کۆتایی هات. بەڵام لە گێمی دووەمدا (گێمی راهێنەران) قسەی خۆیانکرد و بە دوو گۆڵ لە رێگەی فێدریکۆ ڤاڵڤێردی لە خولەکی 59 و کیلیان ئێمباپێ لە خولەکی 68 یارییەکەیان بردەوە.
بردنەوەی جامەکە چ بۆ ریاڵ یانیش بۆ کارلۆ ئانچیلۆتی ریکۆردی مێژوویی بوو. بەوپێیەی شاهانەکان توانیان ژمارەی بەدەستهێنانی نازناوەکە بۆ شەشەم جار (2002 – 2014 – 2016 – 2017 – 2022 – 2024) لە مێژووی خۆیاندا بەرزکەنەوە و بە فەرمی پێش یانەکانی بارسێلۆنا و ئەیسی میلان بکەون.
هاوکات راهێنەرە ئیتاڵیەکەیش بە 5 بردنەوە، پێش پێگ گواردیۆلا کەوت.
کارلۆ پێشتر دوو جار لەگەڵ میلان نازناوەکەی بردبووەوە. کۆتا سێ جاریشی لەگەڵ مێرەنگی بوو.
🏆 ¡SOMOS SUPERCAMPEONES DE EUROPA! 🏆
🏁 @RealMadrid 2-0 @Atalanta_BC
⚽ 59' @fedeevalverde
⚽ 68' @KMbappe#6SuperCups | #SuperCup pic.twitter.com/7xfYmSK25D— Real Madrid C.F. (@realmadrid) August 14, 2024
