یاریگا –
ئێرنێستۆ ڤالڤێردی، راهێنەری یانەی ئاتلێتیك بلباوی ئیسپانی باس لە داهاتووی نیكۆ ویلیامس ئەستێرەی یانەكەی دەكات.
گرێبەستەكەی ویلیامس لەگەڵ بلباو لە هاوینی ساڵی 2027 بەسەردەچێت.
لە ماوەی رابردوودا ناوی ویلیامس بە بەهێزی بە بارسێلۆناوە بەسترابوویەوە، بەڵام بە گەڕانەوەی یاریزانەكە بۆ راهێنانەكانی یانەكەی و گۆڕینی ژمارەی درێسەكەی هیوای كەتەلۆنییەكانی لەناوبرد.
💥 “NO soy quién para decir QUÉ JUGADOR va a ESTAR AQUÍ”.
👍 “Veo bien a NICO WILLIAMS”.
🗣️ VALVERDE deja en el aire la continuidad del jugador del ATHLETIC. pic.twitter.com/hHC1fs5Ic2
— El Chiringuito TV (@elchiringuitotv) August 14, 2024
ئێرنیستۆ ڤالڤێردی لە كۆنگرەی رۆژنامەوانی پێش یەكەم یاری لالیگا بەرامبەر خێتافی گوتی:
هیچم نییە بیڵێم، بازاڕی گواستنەوەی یاریزانان كراوەیە، ئێمە یاریزان و هاندەرمان هەیە، هەندێكیان لێرە دڵخۆشن، نیكۆش یەكێكە لەوانە، بەڵام بێگومان بازاڕی گواستنەوە هێشتا كراوەیە.
لە رۆژی 30 مانگ دەمانەوێت باشترین تیممان هەبێت، پێموایە سەرجەم یانەكان هەمان هیوا و ئامانجیان هەیە.
ئاتلێتیك بلباو سبەی لە یەكەم یاری لالیگا لە یاریگای سان مامێس رووبەرووی خێتافی دەبێتەوە.
