یاریگا –
چارەنووسی ئێمباپێ بۆ یاریی جامی سوپەری ئەوروپا بەرامبەر ئاتاڵانتا یەکلاکرایەوە، هێرشبەرە فەڕەنسییەکە لەسەر کورسی یەدەک نابێت.
بەرنامەی بەناوبانگی ئێلچێرێنجیتۆی ئیسپانی ئاشکرایکردووە، کیلیان ئێمباپێ لە یاریی سبەی چوارشەممە لە جامی سوپەری ئەوروپا بەرامبەر ئاتاڵانتا سەرەکی دەبێت، کارلۆ ئەنچیلۆتی لە رووی توانای جەستەییەوە دڵنیابووەتەوە لەوەی کیلیان بۆ یارییەکە ئامادەیە.
🚨🐢 EXCLUSIVA @EduAguirre7
🔥🍿 “CASI con TOTAL SEGURIDAD, MBAPPÉ será TITULAR este miércoles”. pic.twitter.com/lOCEsprcRg
— El Chiringuito TV (@elchiringuitotv) August 13, 2024
ئیدۆ ئەگێری رۆژنامەنووسی ئیسپانی لە بەرنامەکە دووپاتیکردەوە، ئەنچیلۆتی لە یارییەکەی ئاتاڵانتا بڕیاریداوە بە سەرەکی یاریی بە ئێمباپێ بکات و ئەو هێرشبەرە فەڕەنسییە سبەی لە پۆڵەندا یەکەم یاریی فەرمی خۆی بە درێسی ریال مەدرید ئەنجام دەدات.
ئێمباپێ دوای پەیوەندیکردنی بە ریزەکانی ریال مەدرید تاوەکو ئێستا بەشداریی دوو یەکەی مەشقی کردووە، بەڵام راهێنەری یانە مەدریدییەکە بڕوای وایە بۆ یاریکردن بەردەستە.
ریال مەدرید لە مێژوودا هاوشانی بارسێلۆنا و ئەیسی میلان خاوەنی زۆرترین جامی سوپەری ئەوروپایە و پێنج جار نازناوەکەی بردووەتەوە.
