یاریگا –
دانی ئۆلمۆ، ئەستێرەی ئیسپانی یانەی بارسێلۆنا دڵخۆشی خۆی بە پەیوەندیكردنی بە ریزەكانی یانە كەتەلۆنییەكەوە دەربڕی.
ئۆلمۆ لە ریزەكانی لایپزیگەوە بە بەهای 55 ملیۆن یۆرۆ پەیوەندی بە بارسێلۆناوە كرد و گرێبەستەكەی لەگەڵ ئەو یانەیە لە هاوینی ساڵی 2030 بەسەردەچێت.
دوێنێ لە یاری خوان گامبەر بارسێلۆنا رووبەڕووی مۆناكۆ بوویەوە و یارییەكە لە بەرژەوەندی یانە فەڕەنسیەكە بە سێ گۆڵی بێ وەڵام كۆتایی هات.
Today was a day for the books!
🏠 Welcome home, Dani pic.twitter.com/xLtHkJ8j2C
— FC Barcelona (@FCBarcelona) August 12, 2024
پێش یارییەكە ئۆلمۆ دەربارەی دووبارە گەڕانەوەی بۆ بارسێلۆنا گوتی:
خەونەكەم هاتە دی، تامەزرۆم جارێكی دیكە ئەم درێسە بپۆشمەوە، ئەمە دروشمە، بۆ بردنەوە هاتووم، ئێمە تیمێكی نایابمان هەیە، هاندەرانیش نایابن، ئێمە یانەیەكی گەورەین.
بە گەڕانەوەم بۆ ماڵەكەم زۆر دڵخۆشم، لەم وەرزەدا بۆ هەموو شتێك و هەموو نازناوەكان دەجەنگین، بژی بارسا.
ئۆلمۆ توانی لەگەڵ هەڵبژاردەی ئیسپانیا ببێتە پاڵەوانی جامی نەتەوەكانی ئەوروپای 2024، دوای ئەوەی لە یاری كۆتایی لە ئینگلتەرایان بردەوە.
