یاریگا –
جێرارد پیکێ ئەفسانەی هێڵی بەرگری بارسێلۆنا بە توندی هاتە دەنگ لەسەر ئەنجامە قورسەکەی جامی خوان گامبەر.
وەک نەریتێکی ساڵانە کە لەوەتەی ساڵی 1966 تا ئێستا درێژەی هەیە، بارسا هەڵدەستێ بە بەڕێوەبردنی جامەکە بە ناوی ئەو پیاوە سویسریەی کە یانەکەی دامەزراند.
ئەمشەو لە سیانریۆیەکی چاوەڕواننەکراودا مۆناکۆی فەڕەنسی توانی 3-0 لە کوڕانی هانزی فلیک بباتەوە و لە بەرچاوی هاندەرە تینوەکانی بلاوگرانا گۆڵبارانیان بکەن.
راستەوخۆ دوای یارییەکە پیکێ وتی
ئەنجامەکە مایەی شەرمەزارییە بەهۆی ئەوەی زۆرێک لە یاریزانە لاوەکان یەکەم یارییان بوو لێرە. لە گەشتەکەی ئەمریکا توانیان ئەنجامی باش دەستبخەن و ئەوەیان پیشاندابوو کە دەتوانن لە تیمی یەکەم یاریی بکەن.
بۆ زانین، هەرسێ گۆڵەکەی یانە فەڕەنسییەکە لە گێمی دووەمدا هات کە ناسراوە بە گێمی راهێنەران.
📺 DIRECTO @JijantesFC
🗣 Piqué: "Es una lástima el resultado porque para muchos de los jugadores de la cantera era su primer partido aquí. En la gira de USA se han conseguido buenos resultados y han demostrado que pueden jugar en el primer equipo"
🔗 https://t.co/OGW0AKAWMl pic.twitter.com/e1SQl941Hg
— Jijantes FC (@JijantesFC) August 12, 2024
هاندەرانی بارسا هەر لەنێو یاریگادا نارەزایەتی خۆیان بە ڕووی یاریزانەکاندا دەبڕی.
لە کۆی 59 وەشانی جامەکە، بارسێلۆنا توانیویەتی 46 جار جامەکە بەرزبکاتەوە. کۆتا جاریش پێش مۆناکۆ یانەیەکی دیکە بووبێتە پاڵەوان، یانەی سامپدۆریای ئیتاڵی بوو لە ساڵی 2012.
