بایرن دەرگای بە رووی کڕیارەکاندا داخست؛ ئەستێرەکەی بۆ فرۆشتن نییە
یاریگا –
بایرن میونشن دەرگا بە رووی کڕیارەکانی ئەستێرەیەکیدا دادەخات و مانەوەی لە یانەکە رادەگەیەنێت.
باڤارییەکان وەرزی رابردوو وشکەساڵییەکی بێوێنەیان بەخۆیانەوە بینی لە رووی بردنەوەی نازناوەوە بە راهێنەرایەتی تۆماس توخێل. هەر بۆیە بە هاتنی ڤینسنت کۆمپانی دەیانەوێ ئەوەی تێپەڕی ببێت بە رابردوو و چاویان لە گەڕانەوەیە بۆ سەکۆی نازناوەکان. بۆ ئەو مەبەستەیش گرێبەستی بەرچاویان ئەنجام داوە و یاریزانی دیاریش یانەکەی جێهێشتووە لە نموونەی ماتیاس دی لیخت و نوسەیر مزراوی. بەوەش نایەوێ ئەستێرەکانی دیکە بڕۆن، بەتایبەت سێرجی گنابری کە دوای پێکانەکە دوورودرێژەکەی، بە گەڕانەوەی بۆ یارییە ئامادەکارییەکان توانیویەتی متمانەی راهێنەرە بەلجیکیەکەی بەدەستبهێنێت.
بەگوێرەی نوێترین زانیاری کە فلۆریان پلاتێنبێرگی رۆژنامەنووسی سکای ئەڵمانیا بڵاویکردووەتەوە، بایرن بە دڵناییەوە گنابری دەهێڵێتەوە بۆ وەرزی نوێ.
🚨🔴 Excl | The first decision after Désiré #Doué turned down FC Bayern has been made: Serge #Gnabry will definitely stay at Bayern ✔️
There will be no transfer this summer.
Bayern is impressed of his recent performances in training and matches. Additionally, he seems to be… pic.twitter.com/mkcrX2BFMJ
— Florian Plettenberg (@Plettigoal) August 12, 2024
فلۆریان زانیویەتی کە یانەکە زۆر سەرسامە بەو ئاستەی ئەستێرە ئەڵمانییەکە لە یارییە ئامادەکارییەکان پیشانی دەدا. وا دەردەکەوێ کە بەتەواوەتی گەڕاوەتەوە بۆ باری جەستەیی هەمیشەیی خۆی.
ئەوە و هەروەها کۆمپانی بە تەواوەتی پشتیپێدەبەستێ.
سێرجی لە مانگی مایس/مایۆ تووشی پێکانێکی سەخت هات و بەهۆیەوە نەیتوانی بەشداری یارییە چارەنووسسازەکانی یانەکەی بکاتەوە.
وەرزی رابردوو تەنها 10 یاری لە بۆندسلیگا بەشداریکرد توانی سێ گۆڵ و ئەسیستێک بکات.
