تەواو؛ یوڤێنتوس هێرشبەرێکی ئەرجەنتینی دەگوازێتەوە
یاریگا –
یوڤێنتوس بۆ گواستنەوەی هێرشبەرێک لەگەڵ یانەی فیۆرێنتینا رێکدەکەوێت.
رۆژنامەنووسی سکای ئیتاڵیا رودی گالێتی بڵاویکردووەتەوە، بۆ گواستنەوەی نیکۆ گۆنزالێز یوڤێنتوس لەگەڵ فیۆرێنتینا گەیشتووەتە رێککەوتن.
🚨🤝 Verbal agreement reached between #Juventus and #Fiorentina for Nico #Gonzalez. ⚪⚫
⏳ Just the last details to be discussed for the transfer of the 🇦🇷 player on loan with an obligation to buy, as @urieliugt said.
🔜 The finalization of the deal is expected soon.🐓⚽ pic.twitter.com/aFpXOI4VuE
— Rudy Galetti (@RudyGaletti) August 12, 2024
بەگوێرەی زانیارییەکانی گالێتی، هێرشبەرە ئەرجەنتینییەکە بەشێوەی خواستن بۆ وەرزێک پەیوەندی بە خانمە پیرەکە دەکات. یوڤێ مافی درێژکردنەوەی گرێبەستەکەی بەشێوەی هەمیشەیی دەبێت.
رۆژنامەنووسە ئیتالییەکە ئاماژەی بەوەشکردووە، بەمزووانە هەردوولایەن لەسەر کۆتا وردەکارییەکانی گرێبەستەکە رێکدەکەون و نیکۆ دەبێتە یاریزانێکی نوێی یوڤێ.
هێرشبەرە تەمەن 26 ساڵانییەکە لە هاوینی 2021 بەبڕی 24.50 ملیۆن یۆرۆ لە شتوتگارتەوە پەیوەندی بە فیۆرنێتینا کرد، بە درێسی یانە ئیتاڵییەکە لە سەرجەم پاڵەوانێتییەکان بەشداری 125 یاریی کردووە، 38 گۆڵی کردووە و 19 گۆڵیشی دروستکردووە.
