فەرمی؛ وێستهام بەرگریکارێکی مانچێستەر یونایتدی گواستەوە
یانە لەندەنییەکە لە گواستنەوەی یاریزانان ناوەستێت
یاریگا –
ئارۆن وان بیساکا ریزەکانی مانچێستەر یونایتدی جێهێشت و پەیوەندی بە وێستهام یونایتدەوە کرد.
West Ham United is delighted to announce the signing of Aaron Wan-Bissaka ✍️
The right-back, 26, joins the Hammers from Manchester United on a seven-year contract for an undisclosed fee.
— West Ham United (@WestHam) August 13, 2024
تەنیا یەک ساڵ بۆ بەسەرچوونی گرێبەستی وان بیساکا لە ئۆڵدترافۆرد مابوو، بۆیە ئێریک تێن هاخ، راهێنەری مانچێستەر یونایتد ناوی بیساکای لەسەر لیستی فرۆشتن دانابوو.
بیساکا ئەمڕۆ گەیشتە لەندەن و پشکنینی پزیشکی بۆ پەیوەندیکردن بە وێستهام کرد.
بەگوێرەی زانیارییەکانی تۆڕی هەواڵی سکای سپۆرتس بێت، بەهای گواستنەوەی بیساکا، بەرگریکاری پێشووتری کریستال پاڵاس بۆ یانە لەندەنییەکە دەگاتە 15 ملیۆن پاوەند.
وان بیساکا لە ماوەی پێنج وەرزی رابردوودا، 190 یاری لەگەڵ مان یونایتد کردووە، یاریزانەکە نازناوەکانی جامی کاراباو، جامی FAی لەگەڵ مان یونایتد بەدەستهێناوە.
