تەواوی گرێبەستە فەرمییەکانی دهۆک لە مێرکاتۆی ئەم هاوینەدا

یاریگا –

دهۆک لە مێرکاتۆی ئەم هاوینەدا تاوەکو ئێستا بەفەرمی دەستبەرداری 10 یاریزانی بووە و گرێبەستی لەگەڵ 6 یاریزانی نوێ واژۆکردووە و گرێبەستی 5 یاریزانیشی نوێکردووەتەوە، هەڵۆیەکانی چیا راهێنەرەکەشیان گۆڕیوە و بۆ وەرزی نوێ مەسعود میڕال راهێنەری سویدی بە رەسەن کوردی باکووری کوردستان راهێنەرایەتی یانەکە دەکات.

تۆڕی وەرزشی یاریگا تەواوی گرێبەستە فەرمییەکانی یانەکانی کوردستان لە خولی ئەستێرەکانی عێراق بڵاو دەکاتەوە، کە رۆژی 2ـی ئاب/ئۆگێست دەرگای گواستنەوەی هاوینەی یاریزانان لە خولی ئەستێرەکانی عێراق کرایەوە و رۆژی 2ـی ئۆکتۆبەر/تشرینی یەکەم دوایین وادەی گواستنەوەی یاریزانان دەبێت.

رۆیشتووەکان: هیران ئازاد (قوە جەوییە)، رێوان ئەمین (شوڕتە)، جەبار کەریم (ئەمانەی بەغدا)، عیماد لواتی (سالمیەی کوەیتی)، ئەحمەد خالید (دیالا)، موسا شوکر (پێشمەرگەی سلێمانی)، وەلید سەلمان، ئەیسەر قاسم، نورو سولێ، عوسمان سانێ.

هاتووەکان: پاشەنگ عەبدوڵا (دیگێرفۆرسی سویدی)، نەجم شوان (کارەبا)، ئەمیر کینانی (ڤانکۆڤەری کەنەدی)، سومەر ماجد (هێلسینبۆرگی سویدی)، ئەرکان مەنسوڕ (ئاکرێ)، هیدایەت لەتیف (پێشمەرگەی هەولێر).

نوێکردنەوەی گرێبەست: هاروون ئەحمەد، رۆبن ئەکوا، لۆکاس مۆسیس، محەمەد ساڵح، زولفیقار یونس.

دەنگۆکان: هەریەکە لە یانیک زاکری، محەمەد سەعید، ئاکۆ حوزێر، سیابەند عەگید، بەیار ئەبوبەکر لەگەڵ دهۆک لەگفتوگۆدان بۆ ئەوەی گرێبەستەکەیان نوێبکەنەوە، بەڵام هەرێم تەحسین بەرگریکاری دهۆک رایگەیاندووە یانەکە دەیانەوێت بەڕێی بکەن کە ساڵێک لە گرێبەستەکەی ماوە.