مانچێستەر یونایتد بەرگریکارێکی ئیسپانی دەوێت
بەرگریکاری پێشووی ئاتلێتیکۆ مەدرید بێ یانەیە
یاریگا –
مانچێستەر یونایتد بەدوای دۆزینەوەی بەرگریکارێکی باڵی چەپ وێڵە.
رۆژنامەی El Sevillista بڵاویکردووەتەوە، مانچێستەر یونایتد لە نزیکەوە چاودێری ماریۆ هێرمۆسۆ، بەرگریکاری پێشووی ئاتلێتیکۆ مەدرید دەکات.
رۆژنامەکە روونیکردووەتەوە، لە دوای بەسەرچوونی گرێبەستی هێرمۆسۆ لەگەڵ ئاتلێتیکۆ، تاوەکو ئێستا بێ یانەیە و مان یونایتد خەریکی خوێندنەوەی جدییە بۆ گواستنەوەی.
🔴🇪🇸 Mario Hermoso has been discussed as option at Manchester United, still available as free agent after leaving Atlético.
…but understand Man United next priority is still Noussair Mazraoui deal after selling AWB to West Ham. ⏳🔀
Hermoso, assessing several options. pic.twitter.com/hGLTFwIA2I
— Fabrizio Romano (@FabrizioRomano) August 10, 2024
بەگوێرەی زانیارییەکانی رۆژنامە ئەندەلووسییەکە بێت، یاریزانە 29 ساڵییەکە داوای بڕی 5.1 ملیۆن پاوەند وەک مووچەی ساڵانە دەکات، تیمەکەی ئێریک تێن هاخ، دەیەوێت گرێبەستێک بۆ ماوەی سێ ساڵ لەگەڵ یاریزانەکە واژۆ بکات.
هێرمۆسۆ دەتوانێت وەک بەرگریکاری چەپ و دڵی بەرگری یاری بکات و مووچەکەی رێخۆشکەرە بۆ پەیوەندیکردنی بە مان یونایتد.
یاریزانی ئیسپانییەکە بەرهەمی ئەکادیمیای کاستییای ریال مەدریدە و پێشتر یاری بۆ یانەکانی ریال ڤۆیادۆلید، ئیسپانیۆل و ئاتلێتیکۆ مەدرید کردووە.
