یاریگا –
خوان مارتینێزی بەرگریکاری لاوی یانەی ڕیال مەدرید ئێوارەی دوێنی هەینی، لە کاتی مەشقەکانی یانه‌كه‌ی، تووشی پێکانێکی سەخت بوو.
رۆژنامەی مارکای ئیسپانی بڵاویکردەوە، مارتینێزی ته‌مه‌ن 16 ساڵ، تووشی پچڕانی بەستەرێکی خاچی بووە، پشكنینی زیاتری بۆ ده‌كرێت.
Joan Martínez se ha roto el cruzado 😢 ¡Mucho ánimo!https://t.co/CdRK2hYwXk
— MARCA (@marca) August 9, 2024
مارتینێز لە کاتی ئامادەکارییەکانی وەرزی نوێدا کارلۆ ئەنچیلۆتی ڕاهێنەری سەرسام کرد، چاوەڕوان دەکرا لە پێكهاته‌ی تیپەکەدا بۆ وه‌رزی نوێ یه‌كێك بێت له یاریزانه‌كانی تیپه‌كه، لە یاریی کۆتایی جامی سوپەری ئەوروپا بەرامبەر ئاتاڵانتای ئیتاڵی لە چوارشەممەی یاریی بكات.
بەرگریکارە لاوەکە بووە لە دڵی بەرگریدا بووه هیوای كارلۆ ئانچێلۆتی ، دوای ئەوەی تیپەکە نەیتوانی لێنی یۆرۆ بگوازێته‌وه ریزه‌كانی.
پێکانەکەی خوان كێشه‌كانی ریال مەدریدی دوو هێندە کرد،به تایبه‌ت دوای ئەوەی سیزار پاڵاسیۆس لە یەکەم یاری دۆستانەی گەشتەکەیان لە ئەمریکا دووچاری پێکان بوو، دواتریش دانیێل میسۆنێرۆ به‌هۆی پێكانه‌وه مه‌شقه‌كانی جێهێشت.
ریال مه‌درید ئاماده‌كارییه‌كانی چڕ كردۆته‌وه بۆ یاریی جامی سوپه‌ری ئه‌وروپا بڕیاره رۆژی چوارشه‌ممه به‌رامبه‌ر یانه‌ی ئاتالانتای ئیتاڵی له كاتژمێر 10:00 شه‌و یاریی بكات.
