یاریگا –
بارسێلۆنا هەوڵەکانی بۆ نوێکردنەوەی گرێبەستی فێرمین لۆپێزی دەستپێکردووە.
لۆپێز یەکێکە لە دیارترین یاریزانانی ئێستای ئیسپانیا، بە تایبەت دوای پێشکەشکردنی ئاستێکی بەرز لەگەڵ هەڵبژاردەی ئیسپانیا لە یۆرۆی 2024 و ئۆڵێمپیادی پاریس. لۆپێز شەش گۆڵی لە ئۆڵێمپیاد کرد و یارمەتی هەڵبژاردەکەیدا، مێدالیای زێڕ بەدەستبهێنێت.
لە دوای تەواوبوونی یارییەکانی ئۆڵێمپی، لۆپێز پشووی هاوینە وەردەگرێت و پێناچێت بۆ یەکەم یاریی وەرزی نوێی لالیگا ئامادەبێت.
🔴𝐎𝐏𝐈𝐍𝐈𝐎́𝐍 𝐒𝐏𝐎𝐑𝐓 | Un oro que rompe malas rachas… y que venga a Arconada
El primer oro olímpico para España en deportes de equipo 28 años después del último éxito, el del waterpolo de Atlanta
✍️ Lluís Payarols https://t.co/KFHeiiVQNI
— Diario SPORT (@sport) August 9, 2024
رۆژنامەی سپۆرت بڵاویکردووەتەوە، بارسا دەیەوێت گرێبەستی لۆپێز نوێبکاتەوە و مەرجی هەڵوەشاندنەوەی گرێبەستەکەی لە 400 ملیۆن یۆرۆ بۆ یەک ملیار یۆرۆ بەرزبکاتەوە، ئەمە جیا لە زیادکردنی مووچەکەی. گرێبەستی ئێستای لۆپێز لە هاوینی ساڵی 2027 بەسەردەچێت و لە هاوینی رابردوودا نوێکرابووەوە.
فێرمین لە وەرزی رابردوودا 42 یاری لەگەڵ بارسادا کرد و 11 گۆڵی هەبوو. بەهۆی ئاست بەرزی، لەلایەن لویس دێلا فوێنتی، بانگهێشتی هەڵبژاردەی ئیسپانیا کرا و بووە پاڵەوانی یۆرۆ و پاشان مێدالیای زێڕی ئۆڵێمپیادی بردەوە.
