یاریگا –
ئەمڕۆ یاریی جامی قەڵغانی ئینگڵتەرای 2024 لەنێوان مانچێستەر سیتی و مانچێستەر یونایتد بەڕێوەدەچێت.
ئەمڕۆ شەممە کاتژمێر 17:00 بەکاتی هەولێر لە یاریی جامی قەڵغانی خێرخوازی ئینگلتەرا، مانچێستەر سیتی لە یاریگای وێمبڵی رووبەڕووی مانچێستەر یونایتد دەبێتەوە.
پڕۆفایڵی یاری
پێویستە چی لەبارەی یارییەکە بزانیت؟
سێیەم جارە مانچێستەر سیتی و مانچێستەر یونایتد لە یاریی جامی قەڵغان رووبەڕوودەبنەوە، شەیتانە سوورەکان لە دووجاری رابردوو لە 1956، 1-0 و لە 2011، 3-2 براوە بوون. سیتی وەرزی رابردوو هەردوو یارییەکەی پرێمەرلیگی لە یونایتد بردەوە، لە ئیتیحاد 3-1 و لە ئۆڵدترافۆردیش 3-0. بەڵام یونایتد لە یاریی کۆتایی جامی یەکێتی ئینگڵتەڕا 2-1 سەرکەوتنی بەدەستهێنا و نازناوەکەی بەرزکردوە.
پێکهاتەی پێشبینیکراو
پێكهاتەی پێشبینیكراوی مانچێستەر یونایتد:
ئۆنانا
دالۆت، لیساندرۆ مارتینێز، لیندیلۆف ، شۆو
كاسیمێرۆ، كۆبی ماینۆ، دیالۆ
برۆنۆ فێرناندێس، سانچۆ، راشفۆرد
پێكهاتەی پێشبینیكراوی مانچێستەر سیتی:
ئۆرتیگا
ریكۆ، ئاكانجی، دیاز ڤاردیۆڵ
دی برۆین، كۆڤاسیچ ، ئۆسكار بۆب
بێرناردۆ، هالاند، گریلیش
راهێنەران چی دەڵێن؟
پێپ گواردیۆلا، راهێنەری مان سیتی
بۆ یارییەکەی مان یونایتد، ئێدەرسن لە پێکهاتەی سەرەکی دەبێت، لە مێرکاتۆی هاوینە هێرشبەرێک دەگوازینەوە و بیر لە یەدەکێک بۆ رۆدریش دەکەینەوە، یاریزانێکمان دەوێت لە چەند شوێنێکی جیاوازی یاریگا یاریی بکات.
چەند وەرزێکە مانچێستەر یونایتد و ئارسیناڵ پارەی زۆر خەرج دەکەن و کەس باسیان ناکات، بەڵام کە ئێمە پارە خەرج دەکەین دەبێت بە سەردێری هەواڵەکان.
تێن هاخ، راهێنەری مان یونایتد
پێویستە یەكگرتوو بین و لەپێناو یەكتر بجەنگین، ئەمە ئەو عەقڵییەتەیە پێویستمان پێیەتی، پێویستمان بە پلانێكی باشە یاریی پێبكەین، هەموومان بۆ یەم جۆرە یارییە بەپەرۆشین، ئەگەری هەیە جۆشوا زیرکزیش بەشداری یارییەکە بکات.
