یاریگا –
براهیم دیاز، ئەستێرەی هەڵبژاردەی مەغریب و یانەی ریال مەدریدی ئیسپانی باس لە یارییەكەیان بەرامبەر ئاتڵانتا لە سوپەری ئەوروپا دەكات.
بەرەبەیانی ئەمڕۆ چوارشەممە لە یارییەكی دۆستانەدا ریال مەدرید رووبەڕووی چێڵسی بوویەوە، یارییەكەش بە ئەنجامی دوو گۆڵ بەرامبەر گۆڵێك لە بەرژەوەندی ریال كۆتایی هات.
لەو یارییەدا دیاز 78 خولەك بەشداریكرد و توانی گۆڵی یەكەم درووست بكات و گۆڵی دووەمیش تۆمار بكات.
🗣️ @Brahim, gol y MVP del partido: “Nos vamos con una buena forma física”.#RealMadridOnTour pic.twitter.com/1CXDpmNqtb
— Real Madrid C.F. (@realmadrid) August 7, 2024
لە دوای یارییەكە براهیم دیاز دەربارەی كێبڕكێكردن لەگەڵ ئێمباپێ و ئێندریك گوتی:
باشترین ئەوەیە كە لە ریال مەدرید بیت، چونكە باشترین یانەی جیهانە، لە ناوەوە هیچ ركابەرییەك نییە، هەمووان دەبێت بە هەموو توانامانەوە هاوكاری یانەكەمان بكەین.
گرنگ نیە ئەگەر 90 ، 60 ، 30 یان 20 خولەك یاری بكەم، گرنگ ئەوەیە هەمیشە یارمەتی تیمەكەم بدەم، ئێمە خێزانێكین لەوە زیاتر هیچ شتێك نییە.
ئامادەكاری بۆ وەرزی نوێ؟
ئێمە لە رووی جەستەییەوە زۆر باش خۆمان بۆ وەرزی نوێ ئامادە كردووە، ئێمە لە دۆخێكی جەستەیی باشداین و ئامادەین بۆ ئەوەی لە بەردەممانە.
ئاردا گولەر برای منە، ئێمە هەمیشە پێكەوەین، ئەو بەهرەمەندە و داهاتوویەكی باوەڕپێنەكراوی لە پێشە.
یاری سوپەری ئەوروپا؟
ئێمە لەبارودۆخێكی جەستەیی باشداین، هەمووان بۆ ئەو یارییە ئامادەین، لە رووی جەستەییەوە زۆر باش ئامادەكاریمان بۆ كردووە و ئێمە ئامادەین.
چاوەڕوان دەكرێت چوارشەممەی داهاتوو 14مانگ هەردوو یانەی ریال مەدرید و ئاتڵانتا لە یاری سوپەری ئەوروپا رووبەڕووی یەك ببنەوە.
