تەواو؛ دانی ئۆڵمۆ بۆ ماوەی شەش ساڵ دەبێتە یاریزانی بارسێلۆنا
یاریگا –
بارسێلۆنا بۆ گواستنەوەی دانی ئۆلمۆ لەگەڵ لایپزیگ گەیشتە رێککەوتن و ئەو یاریزانە ئیسپانییە دەگوازێتەوە ریزەکانی.
فابریزیۆ رۆمانۆ رۆژنامەنووسی ئیتاڵی رایگەیاندووە، بارسێلۆنای ئیسپانی بۆ ماوەی شەش ساڵ دانی ئۆڵمۆ یاریزانی لایپزیگی ئەڵمانی بەرامبەر 55 ملیۆن یۆرۆ دەگوازێتەوە و دەبێتە یەکەم گرێبەستی ئەم هاوینەی یانە کەتەلۆنییەکە.
رۆژنامەنووسە ئیتاڵییەکە ئاشکرایکردووە، بارسێلۆنا تاوەکو ساڵی 2030 گرێبەست لەگەڵ ئۆلمۆ واژۆ دەکات و بەگوێرەی ئاست و دەستکەوتەکانیشی دەکرێت حەفت ملیۆن یۆرۆی دیکە بچێتە سەر نرخی گرێبەستەکەی.
🚨🔵🔴 EXCL: Dani Olmo to Barça, here we go! Verbal agreement in place after key mission in Leipzig for Barça director Deco.
€55m guaranteed package plus €7m in add-ons, main part difficult to reach.
Olmo agreed on six year deal valid until June 2030 and he wanted Barça move. pic.twitter.com/Y3aZHyf9iF
— Fabrizio Romano (@FabrizioRomano) August 6, 2024
دانی ئۆلمۆی 26 ساڵان لە هاوینی ساڵی 2020 بە بەهای 29 ملیۆن یۆرۆ لە ریزەكانی دینامۆ زاگریبەوە پەیوەندی بە لایپزیگەوە كرد و گرێبەستەكەی لەگەڵ یانە ئەڵمانیەكە لە هاوینی ساڵی 2027 بەسەردەچێت.
دانی ئۆلمۆ لە یارییەكانی جامی نەتەوەكانی ئەوروپای 2024ئاستێكی بەرزی پێشكەشكرد و بووە گۆڵكاری پاڵەوانیەتیەكە و نازناوەكەشی لەگەڵ ئیسپانیا بەدەستهێنا.
