پاڵەوانێکی خولە گەورەکانی ئەورووپا چووە گفتوگۆوە لەگەڵ مان یو بۆ گواستنەوەی سانچۆ
پێشتر لەگەڵ خودی یاریزانەکە رێککەوتنیان کردووە
یاریگا –
پێناچێت لە مانچێستەر یونایتد شوێنێک مابێتەوە بۆ جەیدن سانچۆ ئەگەرچی ناوبراو ماوەی خواستنەکەی لەگەڵ دۆرتمۆند تەواوکرد و بۆ یارییە دۆستانە ئامادەکارییەکانی یانەکەیشی بانگهێشت کرایەوە لەلایەن ئێریک تێن هاخەوە.
کۆتاییەکانی مانگی رابردوو بوو سەرچاوە باوەرپێکراوەکانی هەواڵ بڵاویانکردەوە پاریس سانجێرمان رێککەوتنی سەرەتاییان کردووە لەگەڵ سانچۆ و تەنها رێککەوتن لەگەڵ مانچێستەر یونایتد ماوە.
یانەیەکی دەرەوەی پرێمەرلیگ رێککەوتنی سەرەتایی لەسەر گواستنەوەی سانچۆ کردووە
ئێستا و دوای نزیکەی دوو هەفتە لە بڵاوبوونەوەی هەواڵەکە، سکای سپۆرتس زانیاریی نوێی گەیاندووە کە پی ئێس جی چووەتە گفتگۆوە لەگەڵ لایەنی ئینگلزی بۆ تەواوکردنی گواستنەوەکە.
🚨 PSG have held initial talks to sign Jadon Sancho from Manchester United.
(Source: @SkySports) pic.twitter.com/5RHAJw46Bj
— Transfer News Live (@DeadlineDayLive) August 6, 2024
پێشتر سەرچاوەیەکی فەڕەسنی باسی لەوە دەکرد مانچێستەر یونایتد بۆ دەستبەرداربوون لە یاریزانە ئینگلیزیەکە داوای 60 ملیۆن یۆرۆ دەکات. ئەوەیش واتە 25 ملیۆن کەمتر لەو بڕەی کاتی خۆی لە ساڵی 2021 لە دۆرتمۆندی گواستەوە.
بەو ماوە کەمەی لەگەڵ یانە ئەڵمانیەکە بە خواستن یاری کرد، یاریزانە 24 ساڵانەکە توانی ئاستێکی بەرچاو پێشکەش بکاتەوە. بە جۆرێک لە 14 یاری بۆندسلیگا توانی دوو گۆڵ و دوو ئەسیستی هەبێت. لە چامپیۆنزلیگیش یاریزانێکی کاریگەری راهێنەرەکەی بوو، لە حەوت یاریدا توانی گۆڵێک تۆمار بکات.
