هەموو شتێک بزانە؛ لایپزیگ ئامادەیە دەستبەرداری دانی ئۆلمۆ بێت
دوا پەرەسەندنەکانی گواستنەوەی ئۆلمۆ ئاشکرا دەکرێن
یاریگا –
بارسێلۆنا ئەمڕۆ هەوڵی یەکلاییکردنەوەی گرێبەستی گواستنەوەی دانی ئۆلمۆ دەدات.
سکای سپۆرتس بڵاویکردووەتەوە، ئەمڕۆ دێکۆ، بەڕێوەبەری وەرزشی بارسێلۆنا گەشتی لایپزیگ دەکات و گواستنەوەی ئۆلمۆ یەکلاییدەکاتەوە.
ئۆلمۆ، ئامانجی سەرەکی هانزی فلیک، راهێنەری نوێی بارسێلۆنایە و تاوەکو ئێستا دوو ئۆفەر پێشکەش بە یاریزانی ئیسپانییەکە کراوە و وەڵامی ئۆفەری دووەم نەدراوەتەوە.
مارسێل شافەر، بەڕێوەبەری وەرزشی لایپزیگ لەبارەی ئەگەرەکانی گواستنەوەی ئۆلمۆ دەڵێت
دانی یاریزانێکی زۆر باشە و شوێنێکی تایبەتی لای ئێمە هەیە، بەڵام ئامادەین گفتوگۆ بکەین و ئۆلمۆ بەهایەکی تایبەتی خۆی هەیە. ئەگەر تاوەکو پێنجشەممە رێککەوتین، ئەوا لاریمان نابێت، ئەگەرنا دەبێ مەشقەکانی لەگەڵ یانەکە دەستپێبکاتەوە و جارێکی دیکە دەبێتەوە یاریزانێکی گرنگی پێکهاتەکەمان.
بەگوێرەی زانیارییەکانی سکای سپۆرتس بێت، لایپزیگ ئامادەکاری بۆ پڕکردنەوەی شوێنی ئۆلمۆ کردووە و گفتوگۆی سەرەتاییان لەگەڵ راین شێرکی، ئەستێرەی فەڕەنسی دەستپێکردووە.
🚨🔵🔴 FC Barcelona boss Deco in Leipzig today to finalize the deal with Dani #Olmo as he’s the top target for Hansi Flick ✔️
💬 Leipzig’s new Managing Director Marcel Schäfer on a possible transfer today: ⤵️
“He is an outstanding player who holds significant value for us. We… pic.twitter.com/hLXQor2AGu
— Florian Plettenberg (@Plettigoal) August 6, 2024
پێشتر رۆژنامەی موندۆ دێپۆرتیڤۆ بڵاویکردبووەوە، ئۆلمۆ لەگەڵ ئاندی بارا،-ی بەڕێوەبەری کارەکانی لە زەگرێب، پایتەختی کڕواتیا کۆبوونەوە و ئێستا لە لایپزیگن.
بارسێلۆنا ئۆفەرێکی نوێی بەبڕی 47 ملیۆن یۆرۆ لەگەڵ 10 ملیۆنی پەیوەست بە بردنەوەی لالیگا و چامپیۆنزلیگ لە شەش ساڵی داهاتوو ئامادەکردووە و وەڵامی کۆتایی وەرنەگرتووە.
دانی ئۆلمۆی 26 ساڵان لە هاوینی ساڵی 2020 بە بەهای 29 ملیۆن یۆرۆ لە ریزەكانی دینامۆ زاگریبەوە پەیوەندی بە لایپزیگەوە كرد و گرێبەستەكەی لەگەڵ یانە ئەڵمانیەكە لە هاوینی ساڵی 2027 بەسەردەچێت.
دانی ئۆلمۆ لە یارییەكانی جامی نەتەوەكانی ئەوروپای 2024ئاستێكی بەرزی پێشكەشكرد و بووە گۆڵكاری پاڵەوانیەتیەكە و نازناوەكەشی لەگەڵ ئیسپانیا بەدەستهێنا.
