ئاتلێتیكۆ مەدرید لەگەڵ پاڵەوانێكی جیهان رێككەوت
یاریگا –
یانەی ئاتلێتیكۆ مەدریدی ئیسپانی نزیكە لە گواستنەوەی جولیان ئالڤارێزی ئەرجەنتینی و ئەستێرەی یانەی مانچێستەر سیتی ئینگلیزی.
جولیان ئالڤارێز لە هاوینی ساڵی 2022 بە بەهای 21 ملیۆن یۆرۆ لە ریزەكانی ریڤەر پلەیتەوە پەیوەندی بە مانچێستەر سیتیەوە كرد.
گرێبەستەكەی ئالڤارێز لەگەڵ سیتیزن لە هاوینی ساڵی 2028 بەسەردەچێت.
🚨 Julian Alvarez progress has resulted in Atletico Madrid softening stance on Samu Omorodion sale + Chelsea working on deal to sign 20yo striker for ~€40m. Independent of Lukaku / Osimhen talks between #CFC & Napoli – expected to continue @TheAthleticFC https://t.co/5PCZMsAETj
— David Ornstein (@David_Ornstein) August 5, 2024
بە گوێرەی زانیارییەكانی دەیڤد ئۆرنشتاین، ئاتلێتیكۆ مەدرید بە رێژەیەكی زۆر نزیكە لە یەكلاكردنەوەی گرێبەستی جولیان ئالڤارێز.
ئاماژەی بەوەشكردووە، ئاتلێتیكۆ لە قۆناخی كۆتایی یەكلاكردنەوەی گرێبەستەكەی هێرشبەرە ئەرجەنتینیەكەدایە.
ئۆرنشتاین ئەوەشی ئاشكرا كردووە، گۆڵكارەكەی تانگۆ دەیەوێت پەیوەندی بە ریزەكانی یانە ئیسپانیەكەوە بكات.
هەمان سەرچاوە ئاماژەی بەوەشكردووە، مانچێستەر سیتی بەهای پێنج هێندە زیاتر لەوەی لە گواستنەوەی ئالڤارێز خەرجیكردووە دەست دەكەوێت. ئاتلێتیكۆ بە 70 ملیۆن پاوەند یاریزانەكە دەگوازێتەوە ریزەكانی یانەكەی.
ئالڤارێز وەرزی رابردوو لەگەڵ مانچێستەر سیتی بەشداری لە 54 یاری كرد و توانی 19 گۆڵ بكات و 13 گۆڵیش درووست بكات.
جولیان لەگەڵ تانگۆ توانی نازناوی كۆپا ئەمێریكا بباتەوە و توانی دوو گۆڵ لە پاڵەوانیەتیەكەدا بكات.
