یاریگا –
جارێکیتر کێشە لەناوخۆی یانەی بروسیا دۆرتمۆند سەرهەڵدادەتەوە و کار گەشتووەتە هەڕەشەی لەسەرکارلابردن.
دۆرتمۆند هاوینەکەی بە کێشە دەستپێکرد. ناوەڕاستی مانگی یۆنیۆ و دوای دوو هەفتە لە فیناڵی چامپیۆنزلیگ بروسیا دۆرتمۆند و ئێدین تێرزیچ لەیەکتر جیابوونەوە دوای قووڵتربوونەوەی کێشەیەک کە بۆ ماوەیەک پێش ئێستا دەگەڕێتەوە و بەدیاریکراوی فیناڵی چامپیۆنزلیگ لە سەرەتای ئەو مانگە لەگەڵ ماتس هەمڵس کە دۆخەکە ئاڵۆزییەکانی گەیاندە بنبەست. هەر بۆیە زۆر بە کوتوپڕی داوای هەڵوەشاندنەوەی گرێبەستەکەی کرد و دۆرتمۆندیش رەزامەندی پیشان دا و پاشان پۆستەکەیان بە نووری شاهینی ئەستێرەی پێشوویان بەخشی.
بەگوێرەی زانیارییەکانی رۆژنامەی بیڵدی ئەڵمانی، ئێستا دۆخی ناوخۆیی یانەکە جێگر نەبووە و ئەم جارە نووری شاهین و سڤێن میسلینتاتی بەڕێوەبەر دووبەرەکیی کەوتووەتە نێوانیان و بە جۆرێک هەڕەشە لە پۆستەکەی سڤێن دەکرێت کە دووربخرێتەوە.
🟡⚫️ Borussia Dortmund director Sven Mislintat, threatened with dismissal after 3 months — report BILD and @KevinPinnow.
The situation is getting tense at the club as BILD report “the relationship with Nuri Sahin is now almost broken”. pic.twitter.com/pHZ8ob01Gm
— Fabrizio Romano (@FabrizioRomano) August 4, 2024
میسلینتات بە یانەکە نوێ نیە، ئەو مێژوویەکی دوورودرێژی لەگەڵ زەردەواڵەکاندا هەیە و دەگەڕێتەوە بۆ ساڵی 2006 کە وەک بەڕێوبەری دۆزرەوەی یاریزانان لەو یانەیە دەسەڵاتی ڕەهای هەبووە. هەر ئەو بوو توانی رۆبێرت لیڤاندپڤسکی، ئۆبامیانگ بگوازێتەوە. تا ساڵی 2017 لەو ئەرکەی مایەوە. ماوەی سێ مانگیشە پۆستە نوێیەکەی وەرگرتووە بەڵام بەگوێرەی زانیارییەکانی بیڵد، ئێستا پەیوەندییەکانی لەگەڵ شاهین پچڕاوە.
