یاریگا –
یانەی یوڤێنتوس بەر لە یارییە ئامادەکارییەکەی داهاتوویان، دەرگای بانگهێشتکردنی بە ڕووی دوو یاریزانیدا داخست.
یوڤی بە راهێنەرایەتی تیاگۆ مۆتا کە ئەم ساڵ ئەرکەکەی پێسپێردرا، لە یەکەم یاریی دۆستانەی خۆیاندا 0-3 بە نۆرمبێرگ دۆڕان. لەو یارییەدا کە هەردوو یاریزان فێدێریکۆ کێیزا و تیاگۆ دیالۆ بانگهێشت نەکرابوون.
بۆ دووەم یارییشیان کە ئەمشەو بەرانبەر برێستی فەڕەنسیە، بە هەمان شێوە لەلایەن تیاگۆ مۆتاوە ئەو دوو یاریزانە بانگهێشت نەکراوە. کە ئەوە پەیامێکی روونە بۆ دەستبەرداربوونە لێیان لەم هاوینە.
⚪️⚫️ Not only Federico Chiesa. Juventus manager Thiago Motta didn’t call also Tiago Djaló for next friendly game.
He’s expected to leave the club on loan this month, as Juventus are assessing all the options. pic.twitter.com/yDHIT8dFvK
— Fabrizio Romano (@FabrizioRomano) August 3, 2024
فابریزۆ رۆمانۆ بڵاویکردووەتەوە، دیالۆ کە زستانی ئەم ساڵ لە لیلی فەڕەنسیەوە گواسترایەوە، چاوەڕوان دەکرێ هەر لەم مانگە بە خواستن بنێردرێتە دەرەوەی خانمە پیرەکە.
هەرچی سەبارەت بە کێیزایە، هەڵوێستی یوڤێنتوس لەبارەی ناوبراوەوە روونە و وەک لە مانگی یۆنیۆی ئەم ساڵەوە پلانیانە، مەبەستیان فرۆشتنیەتی لەم هاوینە.
🚨⚪️⚫️ Federico Chiesa, not even called up by Juventus manager Thiago Motta for next friendly game.
Juventus priority remains clear, they want to sell Chiesa this summer as planned since June. pic.twitter.com/S4oZAeFbV8
— Fabrizio Romano (@FabrizioRomano) August 3, 2024
کێیزا کە ساڵی 2022 لە فیورێنتیناوە گواسترایەوە یوڤێنتوس، بە یەکێک لە رەگەزە دیار و کاریگەرەکانی ئەو یانەیە دادەنرێت. وەرزی رابردوو لە سێریائەی لە 33 یارییدا توانی 9 گۆڵ بکات لەگەڵ دوو ئەسیست.
بۆ خوێندنەوەی زیاتر سەبارەت بە ئاماژەکانی کۆتاییهاتنی پەیوەندی نێوان یوڤی و یاریزانەکەی، خوێنەری ئەم بابەتەبن:
