یاریگا –
ئەم هەفتەیە یەکەم کاری پینتۆس لەگەڵ ئێمباپێ دەستپێدەکات و ئەو راهێنەرە دەبێت لە ماوەی هەفتەیەکدا هێرشبەرە نوێیەکەی ریال مەدرید بۆ یاریی جامی سوپەری ئەوروپا ئامادە بکات.
تۆڕی وەرزشی ریلیڤۆی ئیسپانی ئاشکرایکردووە، ئەنتۆنیۆ پینتۆس راهێنەری توانای جەستەیی ریال مەدرید هەفتەیەکی لەبەردەم دەبێت بۆ ئەوەی کیلیان ئێمباپێ هێرشبەری نوێی یانەکە بۆ یاریی جامی سوپەری ئەوروپا بەرامبەر ئاتاڵانتای ئیتاڵی ئامادە بکات.
ئێمباپێ کە لەگەڵ هەڵبژاردەی فەڕەنسا بەشداریی یۆرۆی 2024ـی کرد، لە چەند رۆژی داهاتوو پەیوەندی بە کەمپی مەشق و راهێنانی ریال مەدرید دەکات و لەگەڵ یانە نوێیەکەی دەست بە ئامادەکاریی بۆ وەرزی نوێ دەکات، کە ئێستا یانە ئیسپانییەکە لە ئەمریکا کەمپێکی مەشق و راهێنانی کردووەتەوە.
ریلیڤۆ راشیگەیاندووە، ئێمباپێ لە هیچ یەکێک لە یارییە دۆستانەکانی ریال مەدرید بەرامبەر بارسێلۆنا و چێڵسی بەشداریی ناکات، بەڵکو خۆی بۆ یارییەکەی ئاتاڵانتا ئامادە دەکات کە رۆژی 14ـی ئەم مانگە لە یاریی جامی سوپەری ئەوروپا لە پۆڵەندا بەیەک دەگەن، ئەو یارییە دەبێتە یەکەم یاریی کیلیان بە درێسی ریال مەدرید.
