یاریگا –
دوای تێپەڕینی ساڵێک و هەشت مانگ بەسەر مۆندیالی قەتەر لویس ڤان خال یارییەکەی ئەرجەنتینی لەیاد نەکردووە و رەخنە لە ناوبژیوان دەگرێت.
راهێنەرە هۆڵەندییەکە لە چاوپێکەوتنێکی لەگەڵ کەناڵی RTL4 هێرش دەکاتە سەر ناوبژیوانی یارییەکەی هۆڵەندا و ئەرجەنتین لە جامی جیهانی 2022 و دەڵێت؛ دزییەکی گەورەمان لێکراوە.
بەرامبەر ئەرجەنتین دزییەکی گەورەمان لێکرا، دەتوانم بە بەڵگەی ڤیدیۆیی راستییەکان بسەلمێنم، لەوبڕوایەدایت کارێکی ئاساییە یاریزانێک شوت بەرەو یاریزانانی کورسی یەدەک بکات و کارتی سووریش وەرنەگرێت؟ ئەی ئەو لێدانە سزایە بێمانەیەی بۆیان هەژمارکرا!
🗣️ – Van Gaal: “We were robbed by the referee vs Argentina. The facts are there. I can show you the video’s. You think it’s normal a player of Argentina can hit the ball against our bench without getting a red? And then there was the penalty we conceded.” [rtl4] pic.twitter.com/O8cMdLlJJ3
— 𝐀𝐅𝐂 𝐀𝐉𝐀𝐗 💎 (@TheEuropeanLad) August 2, 2024
هۆڵەندا لە مۆندیالی قەتەر لە قۆناخی چارەکی کۆتایی بەلێدانی یەکلاکەرەوە بە ئەرجەنتین دۆڕا، بەڵام ئاستی ناوبژیوانی یارییەکە تا ئێستاش قسەی زۆری لەسەر دەکرێت و بەوە تۆمەتبار دەکرێت گوایە لایەنگری ئەرجەنتینی کردووە.
هاوکات ڤان خال لە درێژەی قسەکانی ئاشکرایکرد، بەر لەوەی ڤینسێنت کۆمپانی پۆستی راهێنەرایەتی بایرن میونشن وەربگرێت، بەرپرسانی یانە ئەڵمانییەکە داوایان لێکردووە ببێت بە راهێنەری یانەکە.
بەڵام لویس داواکەی رەتکردووەتەوە، چونکە نایەوێت پۆستی راهێنەرایەتی هیچ یانەیەک لەئەستۆ بگرێت، بەڵام هێشتا ئامادەیە پۆستی هەڵبژاردەیەک لەئەستۆ بگرێت و بەیەکجاری وازی لەکارەکەی نەهێناوە.
