بۆکسێنەرە ئیتاڵییەکە داوای لێبوردن لە بۆکسێنەرە جەزائیرییەکە دەکات
یاریگا-
ئەنجێلا کارینی خانمە بۆکسێنەری ئیتاڵی پەشیمانە لە کاردانەوەکانی دوای یارییەکەی بەرامبەر بۆکسێنەرە جەزائییرەکە و داوای لێبوردن دەکات.
دوێنێ لە قۆناخی 16ـی ئۆڵێمپیادی پاریس, لە یاری بۆکسێنی خانماندا، دوای تەنیا 46 چرکە لە دەستپێکردنی یارییەکەی بەرامبەر بۆکسێنەری جەزائیری ئیمان خەلیف، کارینی کشایەوە و دوای یارییەکە رەخنەی توندی لە ئیمان گرت بە بیانووی ئەوەی، ناکرێت رێگای پێبدرێت لەگەڵ خانمان پێشبڕکێ بکات، چونکە هۆرمۆنی نێرینەی زۆر بەرزە.
کارینی دوای کشانەوەکەی ئامادەنەبوو پیرۆزبایی لە ئیمان بکات و یاریگای بەجێهێشت، بەڵام ئەمڕۆ راگەیاند پەشیمانە و دەیەوێت داوای لێبوردن بکات، ئەو لە لێدوانێکیدا بۆ لاگازێتا دیلۆ سپۆرتی ئیتاڵی وتی:
زۆر داوای لێبوردن لە بەرامبەرەکەم دەکەم، لە ئیمان و سەرجەم هەواداران، لەوکاتەدا توڕەبووم، چونکە لەدەستدانی مەدالیای ئۆڵێمپیاد زۆر زەحمەتە.
دیمەنی یارییەکە ببینە
🥊🇩🇿 الملاكمة الجزائرية إيمان خليف احتاجت لـ46 ثانية من أجل الوصول إلى ربع النهائي#الألعاب_الأولمبية | #باريس2024 #Paris2024 | #OlympicGames pic.twitter.com/JxeV52p5V1
— beIN SPORTS (@beINSPORTS) August 1, 2024
