یاریگا –
ئەینج پۆستێکۆگلوی یۆنانی پلانەکانی تۆتنهام بۆ وەرزی نوێ ئاشکرا دەکات.
بۆ بەشداریکردن لە پاڵەوانێتی دۆستانەی ئاودی، شاندی تۆتنهام گەشتی کۆریای باشووری کردووە و لەوێ لە دوو یاریی دۆستانە رووبەڕووی بایرن میونشن دەبنەوە.
پۆستێکۆگلوی راهێنەری یانە ئینگلیزیەکە لە کۆنگرەیەکی رۆژنامەوانی ئاشکرایکرد، لەپلانیاندایە لەم مێرکاتۆیە هێرشبەرێکی گۆڵکار بۆ ریزەکانیان بگوازنەوە و دۆزینەوەی هێرشبەرێکی گونجاو لە پێشینەی کارەکانیاندایە.
بەگوێرەی زانیارییەکانی ماڵپەڕی فووتبۆڵ لەندەن، دۆمێنیک سۆلانکێی هێرشبەری یانەی بۆرنمس لەژێر راداری سپێرزە، پۆستێکۆگلو بە هێرشبەرە ئینگلیزەکە سەرسامە و خوازیارە گرێبەستی لەگەڵ واژۆ بکەن.
Spoke to Ange Postecoglou out here in Korea about signing a new striker amid the Dominic Solanke links, and we also spoke about transfers, the need to strengthen his Spurs squad and Johan Lange’s part in it all. https://t.co/8qUIK4jnhS
— Alasdair Gold (@AlasdairGold) August 2, 2024
هێرشبەرە تەمەن 26 ساڵانییەکە تا هاوینی 2027 گرێبەستی لەگەڵ یانەکەی هەیە، نرخیشی لە بۆرسەی یاریزانان 40 ملیۆن یۆرۆیە.
سۆلانکێ لە هاوینی 2019 بەبڕی 21.20 ملیۆن یۆرۆ لە لیڤەرپوولەوە پەیوەندی بە بۆرنمس کرد. لە سەرجەم پاڵەوانێتییەکان 216 یاریی بۆ یانەکەی کردووە، 77 گۆڵی کردووە و 31 گۆڵیشی دروستکردووە.
