کیم مین جای وەڵامی دەنگۆکان دەداتەوە
یاریگا –
کیم من جای، ئەستێرەی بایرن میونشن دەنگۆکان بەدرۆدەخاتەوە و جێهێشتنی یانەکەی رەتدەکاتەوە.
دوێنێ پێنجشەممە شاندی یانەی بایرن میونشنی ئەڵمانی گەشتی کۆریای باشووری کرد، لەوێ کەمپێکی مەشق و راهێنان دەکەنەوە و دوو یاریی دۆستانەش بەرامبەر تۆتنهامی ئینگلیزی دەکەن.
ئەمڕۆ کیم مین جای کۆری و ئەستێرەی یانە ئەڵمانییەکە لە کۆنگرەی رۆژنامەوانی بەر لە یارییەکەی تۆتنهام وەڵامی دەنگۆکانی دایەوە و مانەوەی لە یانەکەی دووپاتکردەوە.
هەرگیز بیرم لە جێهێشتنی بایرن میونشن نەکردووەتەوە، دەمەوێت بەسەختی کار بکەم و هەموو هەوڵەکانم لەپێناو یارمەتیدانی یانەکەم دەخەمەگەڕ.
Coupang Play Series 𝒍𝒐𝒂𝒅𝒊𝒏𝒈… ⏳#FCBayern #MiaSanMia #AudiFCBTour pic.twitter.com/YY15mTa8dp
— FC Bayern München (@FCBayern) August 2, 2024
بەرگریکارە دوای پێشکەشکردنی ئاستێکی بەرز لەگەڵ ناپۆلی و بەدەستهێنانی نازناوی سێریا ئەی، لە هاوینی رابردوو بەبڕی 50 ملیۆن یۆرۆ پەیوەندی بە بایرن میونشن کرد.
بەدرێسی باڤارییەکان لە سەرجەم پاڵەوانێتییەکان بەشداری 36 یاریی کردووە، گۆڵێکی کردووە و دوو گۆڵیشی دروستکردووە.
