ڤیدیۆ: دۆڤیبیک گەیشتە پایتەختی ئیتاڵیا
ئارتیم دۆڤیبیک گۆڵکاری وەرزی پێشووی لالیگا پەیوەندی بە رۆمای ئیتاڵییەوە کرد.
دوێنێ رێککەوتنی جیرۆنا و رۆما بۆ هێرشبەرە ئۆکرانییەکە راگەیەندرا و ئەمڕۆ ناوبراو لە رۆما نیشتەوە تاوەکو بەفەرمی پەیوەندی بە یانە تازەکەیەوە بکات.
رۆما و جیرۆنا رێککەوتوون لەسەر 30.5 ملیۆن یۆرۆ بۆ گواستنەوەکە لەگەڵ 5.5 ملیۆنی دیکە بە پێی ئاست و ئەنجام. دۆڤیبیک جێگەی رۆمێلو لوکاکو دەگرێتەوە کە ماوەی خواستنەکەی کۆتایی هات و گەڕایەوە چێڵسی.
ئارتیم رۆڵێکی گرنگی گێڕا لە هەڵکشانە مێژووییەکەی جیرۆنای وەرزی رابردوو کاتێک توانی پلەی سێهەم بەدەست بهێنێت و خۆی بگەیەنێتە خولی پاڵەوانەکانی وەرزی رابردوو. هاوکات بە تۆمارکردنی 24 گۆڵ ناسناوی پیچیچی بەدەست هێنا.
بەگوێرەی رێککەوتنەکە، جیرۆنا 10٪ی بڕە پارەی فرۆشتنەوەی ئەو یاریزانە وەردەگرێت لە داهاتوودا.
🛬 Artem #Dovbyk è atterrato a Roma!
Inizia l’avventura in giallorosso del nostro nuovo attaccante 💛❤️#ASRoma pic.twitter.com/n9IfR0ZR03
— Il Romanista (@ilRomanistaweb) August 1, 2024
