بەفەرمی پاسکال گرۆس پەیوەندی بە بۆڕووسیا دۆرتموند کرد
خەونی منداڵی...
یاریگا –
بەشێوەیەکی فەرمی پاسکال گرۆسی ئەڵمانی پەیوەندی بە بۆڕووسیا دۆرتموند کرد.
ماڵپەڕی بۆڕووسیا دۆرتموند بڵاویکردووەتەوە، بەشێوەیەکی فەرمی پاسکال گرۆس، یاریزانی پێشووی یانەی بڕایتنی ئینگلیزی گرێبەستی لەگەڵ دۆرتموند واژۆ کردووە و ئێستا یاریزانێکی نوێی زەردەواڵەکانی ئەڵمانیایە.
یاریزانە تەمەن 33 ساڵانییەکە پشکنینی پزیشکی بەسەرکەوتووی تێپەڕاندووە، ئەمڕۆ گرێبەستەکەی تا 30ـی حوزەیرانی 2026 واژۆ کردووە و هەر ئەمڕۆش پەیوەندی بە کامپی مەشقی یانەکە لە سویسرا دەکات.
Einfach den ganzen Weg gelaufen! pic.twitter.com/qyUEa4KL94
— Borussia Dortmund (@BVB) August 1, 2024
ناوەڕاستکارە ئەڵمانییەکە زۆر دڵخۆشە بە پەیوەندیکردنی بە دۆرتموند و دەڵێت خەونی منداڵیم بووە بە راستی.
لە منداڵییەوە هاندەری دۆرتموندم، زۆر بەپەرۆشم بۆ پۆشینی درێسی یانە نوێیەکەم و گۆڕانکارییەکی گەورەیە. دەیەمەوێت متمانەی هەمووان بەدەستبهێنم ناتوانم لەوە زیاتر چاوەڕوانی یاریکردن لە یاریگا ناوازەکەی سیگناڵ ئیدونا پارک ببم.
پاسکال یاریی بۆ یانەکانی کارلسرۆی ئەڵمانی، ئینگۆڵشتادی ئەڵمانی و بڕایتنی ئینگلیزی کردووە، لەکۆی 567 یاریی 95 گۆڵی کردووە و 107 گۆڵیشی دروستکردووە.
⚫️ Pascal Groß ist da! 🟡
Der BVB verstärkt sich im zentralen Mittelfeld mit einem deutschen Nationalspieler. Pascal Groß wechselt vom Premier-League-Klub @OfficialBHAFC zu den Schwarzgelben.
Zur Meldung:
🔗 https://t.co/auLLT4C6x4 pic.twitter.com/uKbVqrRRPg— Borussia Dortmund (@BVB) August 1, 2024
