فەرمی؛ یاریدەرە بەئەزموونەکەی تێن هاخ رۆیشت و راهێنەرایەتی هەڵبژاردەیەکی وەرگرت

یاریگا –

ستیفن ماکلارنی یاریدەری تێن هاخ مانچێستەر یونایتدی جێهێشت و بە فەرمی پۆستی راهێنەرایەتی هەڵبژاردەیەکی نێودەوڵەتی وەرگرت.

ماکلارن کە ئێستا تەمەنی 63 ساڵە، یەکێکە لە راهێنەر بە ئەزموونەکانی ئینگلتەرا و یەکەم ئەرکی پیشەگەرێتی ئەو لە بواری راهێنەرایەتی بۆ ساڵی 2021 دەگەرێتەوە کاتێک لەگەڵ یانەی میدزڵبەرە دەستیپێکرد و تا ساڵی 2006 لەوێ مایەوە.

تۆزێ پێش ئێستا یەکێتی تۆپی پێی جامایکا لە رێگەی پلاتفۆڕمە فەرمییەکانی خۆیانەوە ستیفنیان وەک راهێنەری نوێی هەڵبژاردەکەیان پێشوازی لێکرد.

Please help us welcome the New Coach of the Jamaica Senior Men’s National Team Mr. Stephen McClaren 🇯🇲 pic.twitter.com/UoOeeGWXVw

— Official J.F.F (@jff_football) July 31, 2024

ئەمانە دیارترین ئەو یانە و هەڵبژاردانەن ناوبراو راهێنەرایەتی کردوون:

ئینگلتەرا، توێنتی هۆڵەندی، ڤۆڵسڤسبێرگی ئەڵمانی، نۆتینگهام فۆرێست، دێربی کاونتی، نیوکاسڵ، کوینز پارک رەینجەرز و دوایین جاریش لە مانگی مایس/مایۆی 2022 بوو وەک یاریدەری تێن هاخ دەستنیشان کرا.

دیارترین نازناوەکانی ماکلارن بریتین لە جامی کاراباو لەگەڵ میدڵزبەرە و هەروەها خولی هۆڵەندی 2009-2010 لەگەڵ توێنتی.