هەواڵەکانی پێکانی لێنی یۆرۆ مەترسیدارن
یاریگا –
زانیاریی نوێ و ناخۆش بە هاندەرانی مانچێستەر یونایتد گەیشت سەبارەت بەو پێکانەی تووشی لێنی یۆرۆ بوو لە چەند رۆژت رابردوودا.
بەرگریکارە نوێیەکەی مان یو لە یارییە دۆستانەکەی رابردوویان بەرانبەر ئارسیناڵ تووشی پێکان بوو، دواتر بینرا بە دارشەق رێدەکات ئەوەش بووە هۆی ترس و دڵەڕاوکێ لەسەر ئاستی پێکانەکەی.
تۆزێک پێش ئێستا کریس ویڵەری رۆژنامەنووس لە دەیلی مەیڵی ئینگلیزی رایگەیاند کە پێدەچێت یاریزانە فەڕەنسییەکە بۆ دوو مانگ لە یاریگاکان دووربکەوێتەوە بەهۆی شوێن و ئاستی پێکانەکەی.
Leny Yoro could be out for two months with suspected broken metatarsal in huge blow for Man United #mufc https://t.co/zFLGBDHRbK
— Chris Wheeler (@ChrisWheelerDM) July 31, 2024
بەگوێرەی زانیارییەکانی ئەو رۆژنامەنووسە، یۆرۆ دووچاری شکانی ئێسکەکانی قاچی بووە. ئەوەش ماوەیەکی دەوێ تا چاکبوونەوەی یەکجاریی.
دوو مانگ دوورکەوتنەوی لێنی لە کاتێکدایە ئێستا مان یو لە ماوەی خۆئامادەکردندایە و سەرقاڵی یارییە دۆستانەکانیانن لە ئەمریکا. پرێمەرلیگیش 16ی مانگی ئاب دەستپێدەکات. بۆیە گەڕانەوەی لێنی دەکەوێتە سەرەتای مانگی تشرینی یەکەم/ئۆکتۆبەر. ئەوە بەبێ تەواوکردنی ئامادەکارییەکان و ماوەی خۆگونجاندن لەگەڵ هاوتیمە نوێیەکانی.
هەواڵی پەیوەندیدار لەم بابەتەی خوارەوە بخوێنەوە:
Leny Yoro could be out for two months with suspected broken metatarsal in huge blow for Man United #mufc https://t.co/zFLGBDHRbK
— Chris Wheeler (@ChrisWheelerDM) July 31, 2024
