یاریگا –
یانەی بارسێلۆنای ئیسپانی ئۆفەرێكی نوێ پێشكەشی دانی ئۆلمۆ ئەستێرەی هەڵبژاردەی ئیسپانیا و یانەی لایپزیگی ئەڵمانی دەكات.
دانی ئۆلمۆی 26 ساڵان لە هاوینی ساڵی 2020 بە بەهای 29 ملیۆن یۆرۆ لە ریزەكانی دینامۆ زاگریبەوە پەیوەندی بە لایپزیگەوە كرد و گرێبەستەكەی لەگەڵ یانە ئەڵمانیەكە لە هاوینی ساڵی 2027 بەسەردەچێت.
لە چەند رۆژی رابردوودا بارسا یەكەم ئۆفەری بۆ گواستنەوەی ئەستێرە ئیسپانییەكە پێشكەشی لایپزیگ كرد.
ئۆفەرەکەی بارسێلۆنا پێشکەشکردنی 40 ملیۆن یۆرۆ بووە و پێشنیاریان کردووە ئەو بڕە پارەیەش بە قیست بدەن، جیا لەوە ئامادەن 20 ملیۆن یۆرۆی دیکەش وەك پاداشت بەپێی مەرجەکانی گرێبەستەکە بە یانەکە بدەن. بەڵام ئەڵمانییەکان بەو ئۆفەرە رازی نین و داوای 60 ملیۆن یۆرۆ دەکەن و دەیانەوێت پارەکەش بە یەکجار وەربگرن.
𝐍𝐎𝐓𝐈𝐂𝐈𝐀 𝐒𝐏𝐎𝐑𝐓
🔴 El Barça mejora la oferta y va con todo a por Dani Olmo
✍️ @sanantheone https://t.co/ibkCrrupwj
— Diario SPORT (@sport) July 31, 2024
بە گوێرەی زانیارییەكانی رۆژنامەی سپۆرت بارسێلۆنا دووەم ئۆفەری بۆ گواستنەوەی دانی ئۆلمۆ پێشكەشی لایپزیگ كردووە، كە لە ئۆفەری یەكەم باشترە و بڕەكەیان زیاتر كردووە.
هەمان سەرچاوە ئەوەشی ئاشكرا كردووە، یانە كەتەلۆنییەكە ئۆفەرێكی بە بەهای 50 ملیۆنی جێگیر و 15 ملیۆن گۆڕانكاری كە كۆی گشتی دەكاتە 65 ملیۆن یۆرۆ بۆ گواستنەوەی ئۆلمۆ پێشكەش بە یانە ئەڵمانییەكە كردووە.
دانی ئۆلمۆ لە یارییەكانی جامی نەتەوەكانی ئەوروپای 2024ئاستێكی بەرزی پێشكەشكرد و توانی ببێتە گۆڵكاری پاڵەوانیەتیەكە و نازناوەكەش لەگەڵ ئیسپانیا بەدەستبهێنێت.
