یاریگا –
یانەی شاختاری ئۆکراینی بەهۆی بڵاویکردنەوەی وێنەیەک مشتومڕێکی زۆری لە شەقامی وەرزشی دروستکردووە.
یانەی شاختار دۆنێتسیکی ئۆکراینی دەستی بە ئامادەکارییەکانی وەرزی نوێ کردووە، لە پلاتفۆڕمی ئێکس چەند وێنەیەکی مەشقەکانیان بڵاوکردووەتەوە و دەرکەوتنی هاوشێوەیەکی کڵۆپ لە راهێنانەکانی یانەکە هەرایەکی زۆری ناوەتەوە.
وێنەی هاوشێوەیەکی کڵۆپ بەخێرایی بە سۆشیاڵ میدیا بڵاوکرایەوە، هاندەران لێدوانی تەنزئامێزی لەسەر وێنەکە دەنوسن و لە پلاتفۆڕمە جیاوازەکان بڵاوی دەکەنەوە، تانانەت هێندە بە کڵۆپ دەچێت زۆر کەس وادەزانن ئەو کەسە بەراستی راهێنەرە ئەڵمانییەکەیە.
هاوکات ئەو کەسە ناوی ئیگۆر گرێسکۆڤیچە، یەکێکە لە ستافی یانە ئوکراینیەکە و پیشەکەی پزیشکی چارەسەری سروشتییە.
Shakhtar Donetsk ordered Jurgen Klopp from Wish. pic.twitter.com/au3ZYDVm9X
— Troll Football (@TrollFootball) July 30, 2024
کلۆپ دوای کۆتایی هاتنی وەرزی رابردوو بە فەرمی پۆستی راهێنەری لیڤەرپوولی بەجێهێشت. تا ئێستا لەبارەی داهاتووی بڕیاری نەداوە و پشوو دەدات.
راهێنەرە ئەڵمانییەکە لە ئۆکتۆبەری 2015 پۆستی راهێنەرایەتی لیڤەرپوولی وەرگرت، نزیکەی 9 ساڵ سەرکردایەتی رێدزی کرد. لە 334 یاریدا 208 یاری بردەوە و 78 یاری یەکسان بوو، لە 47 یاریدا شکستی هێنا.
یۆرگن 8 نازناوی لەگەڵ رێدز بەدەستهێنا، لەوانە دوو نازناوی جامی خولی ئینگلتەرا، نازناوێکی پرێمەرلیگ و چامپیۆنزلیگ، جامی سوپەری ئەوروپا، جامی جیهانی یانەکان، یەک نازناوی جامی قەڵغانی خێرخوازی و یەک نازناوی جامی یەکێتی ئینگلتەرا.
One for the look alikes guys
Jurgen Klopp
&
igor grskovic shakhtar donetsk’s physio#NUFC @stevewraith @geordiedentist @oldheatonian @GeorgeM74691025 pic.twitter.com/c7OX3SVbfg— 100% MAGS (YT) (@100PCTMAGS) July 31, 2024
