مارسیلیا هێرشبەرێکی ئارسیناڵ دەگوازێتەوە
یاریگا –
یانەی مارسیلیای فەرەنسی لە گواستنەوەی ئێدی ئێنکێتیای ئینگلیزی نزیک دەبێتەوە.
تۆڕی سکای سپۆرت بڵاویکردووەتەوە، بۆ گواستنەوەی ئێدی ئێنکێتیا، مارسیلیا ئۆفەرێکی بە بڕی 17 ملیۆن پاوەند پێشکەش بە ئارسیناڵ کردووە و لە گواستنەوەی هێرشبەرە لاوەکە نزیکبووەتەوە.
Marseille have returned with an improved offer worth in the region of £17m for Arsenal forward Eddie Nketiah 🔵
It’s understood Marseille’s package is closer to Arsenal’s valuation and payment structure. pic.twitter.com/4bguwrS8kg
— Sky Sports News (@SkySportsNews) July 31, 2024
بەگوێرەی زانیارییەکانی سکای، ئێنکێتیا رەزامەندی دەربیڕووە تاوەکو پەیوەندی بە یانە فەرەنسییەکە بکات، تەنیا ئەوە ماوە رێککەوتنی نێوان هەردوو یانەکە یەکلایی ببێتەوە و لەسەر مەرجەکانی گرێبەستەکە رێکبکەون.
هێرشبەرە تەمەن 20 ساڵانییەکە لە هاوینی 2020 بەبڕی 8 ملیۆن یۆرۆ لە لیدز یونایتەوە پەیوەندی بە گەنەرزی لەندەنی کرد.
بەدرێسی ئارسیناڵ لە سەرجەم پاڵەوانێتییەکاندا بەشداری 168 یاریی کردووە، 36 گۆڵی کردووە و 7 گۆڵیشی دروستکردووە، نازناوێکی جامی یەکێتی ئینگلتەرا و دوو نازناوی جامی قەڵخانی لەگەڵ یانەکەی بەدەستهێناوە.
مارسیلیا لەم هاوینە رۆبێرتۆ دی زێربی ئیتالی و راهێنەری پێشووی یانەی برایتنی وەک راهێنەری نوێی یانەکەی دەستنیشانکرد، دی زێربی دەستی بە شۆرشێک کردووە و دەیەوێت یانەکە بۆ کێبڕکێی بەدەستهێنانی نازناوەکان بگەڕێنێتەوە.
