یاریگا –
راپۆرتە رۆژنامەوانیەكانی ئیسپانیا ئاشكرایانكرد، نیكۆلاس ویلیامس ئەستێرەی هەڵبژاردەی ئیسپانیا و یانەی ئاتلێتیك بلباوی هەمان وڵات لە پەیوەندیكردن بە ریزەكانی بارسێلۆناوە دووردەكەوێتەوە.
گرێبەستەكەی ویلیامسی تەمەن 22 ساڵان لەگەڵ بلباو لە هاوینی ساڵی 2027 بەسەردەچێت.
لە دوای ئەو ئاستە بەرزەی لە یارییەكانی جامی نەتەوەكانی ئەوروپای 2024 پێشكەشیكرد، ناوی نیكۆ ویلیامس بە پەیوەندیكردن بە ریزەكانی بارسێلۆناوە بەسترابوویەوە.
🚨🚨| NEW: The chances of Barcelona signing Nico Williams are DIMINISHING, and they have lowered their hopes. ⛔
The club is now more optimistic about the possibility of signing Dani Olmo and hopes to sign him for less than €60M.
[@relevo] pic.twitter.com/B4mmQ7Shix
— CentreGoals. (@centregoals) July 30, 2024
بە گوێرەی زانیارییەكانی تۆڕی رێلیڤۆ چانسی بارسێلۆنا بۆ گواستنەوەی نیكۆ ویلیامس لە ماوەی گواستنەوەی هاوینەی ئێستا كەمدەبێتەوە.
ئاماژە بەوەشكراوە، نیكۆ لە ریزەكانی ئاتلێتیك بلباو دەمێنێتەوە و گرێبەستەكەی لەگەڵ ئەو یانەیە نوێ دەكاتەوە.
لە كۆتاییشدا ئاماژە بەوە كراوە، بارسێلۆنا زیاتر بە گواستنەوەی دانی ئۆلمۆ گەشبینە، هیوادارە بە كەمتر لە 60 ملیۆن یۆرۆ گرێبەست لەگەڵ یاریزانەكە واژۆ بكات.
وەرزی رابردوو ویلیامس لەگەڵ بلباو بەشداری لە 37 یاریدا كرد و توانی هەشت گۆڵ بكات و 19 گۆڵیش درووست بكات.
لەگەڵ ئیسپانیا لە جامی نەتەوەكانی ئەوروپای 2024 ئاستێكی بەرزی پێشكەشكرد و توانی لە بردنەوەی نازناوەكە رۆڵێكی گرنگ ببینێت.
