بەفەرمی گورگەکانی ئیتاڵیا ئەرجەنتینییەکیان گواستەوە
یاریگا –
بەشێوەیەکی فەرمی ماتیاس سولێی ئەرجەنتینی پەیوەندی بە یانەی رۆمای ئیتالی کرد.
ماڵپەڕی رۆما بڵاویکردووەتەوە، بەفەرمی ماتیاس سولێی یاریزانی پێشووی یانەی یوڤێنتوس پەیوەندی بە رۆما کردووە و گرێبەستێکی پێنج وەرزەی لەگەڵ گورگەکان واژۆ کردووە.
لەبەرامبەر گواستنەوەی ناوەڕاستکارە ئەرجەنتینییەکە رۆما 26 ملیۆن یۆرۆ بە یوڤێنتوس دەدات، 4 ملیۆنی دیکەش بەشێوەی زیادکراو بە خانمە پیرەکە دەدرێت، هاوکات یوڤێ لە داهاتوو مافی %10ـی فرۆشتنەوەی یاریزانەکە وەردەگرێت.
🇦🇷 Matias Soulé ➕ 24-25 Away Kit 👀
Preordina la nuova maglia ora, disponibile dal 1 agosto 🐺
👉 https://t.co/AV9xG1X94Q#ASRoma pic.twitter.com/aA8gElBn3b
— AS Roma (@OfficialASRoma) July 30, 2024
سولێ یاری بۆ تیپی لاوان و تیپی یەکەمی یوڤێنتوس کردووە، وەرزی رابردووش بەشێوەی خواستن یاری بۆ فرۆسینۆنێ کرد.
یاریزانە تەمەن 21 ساڵانییەکە تا ئێستا بەشداری 136 یاریی کردووە، 24 گۆڵی کردووە و 16 گۆڵیشی دروستکردووە.
