یاریگا –
ریكاردۆ كالافیۆری ئەستێرەی هەڵبژاردەی ئیتاڵیا دڵخۆشی خۆی بە پەیوەندیكردنی بە ئارسیناڵەوە دەربڕی و دووپاتیكردەوە خەونەكەی هاتووەتە دی.
دوێنێ بە فەرمی ئارسیناڵ گواستنەوەی كالافیۆری بۆ ریزەكانی یانەكەی راگەیاند.
Benvenuto, Riccardo Calafiori 🇮🇹
Meeting new teammates for the very first time ❤️ pic.twitter.com/JbUhqOBCMN
— Arsenal (@Arsenal) July 29, 2024
لە دوای پەیوەندیكردنی بە ئارسیناڵەوە كالافیۆری گوتی:
هەستێكی نایابم هەیە، تا روویدا قورس بوو، بەڵام لە كۆتاییدا گەیشتینە ئێرە، ناتوانم چاوەڕێ بكەم تا لەگەڵ تیمەكەم دەست بە راهێنانەكان بكەم و یاری بۆ هاندەران بكەم.
لە تەمەنی 12 ساڵییەوە ئەمە خەونی من بووە، چونكە دەتوانم ئاستی خولەكە ببینم كە باشترین یاریزانەكانی جیهان لێرە یاری دەكەن، ئەوە خەونێكە نەك تەنیا بۆ من، بۆ هەموو كەسێك.
زۆر قسەم لەگەڵ راهێنەر كرد و ئەویش بڕوای پێهێنام، ئەوە باشترین پڕۆژەیە بۆ من، پێموایە ئاستم وەك یاریزانێك بەرەو پێشەوە دەچێت.
بۆ یاریكردن هاتوومەتە ئێرە، بۆیە تەواوی هەوڵی خۆم دەدەم تا شتێك پێشكەشی یانەكەم بكەم، هیوادارم لە یارییەكانی سەرەتاوە بتوانم خۆم بسەلمێنم.
ئەوە تەنیا سەرەتایەكە، من بە پەرۆشم بۆ دەستپێكردن و بردنەوەی نازناوەكان لەگەڵ ئارسیناڵ.
گرێبەستەكەی كالافیۆری لەگەڵ گەنەرز بۆ ماوەی پێنج ساڵ و تا ساڵی 2029 دەبێت.
