مانچێستەر یونایتد لەگەڵ مەزراوی رێکدەکەوێت
شەیتانە سوورەکان گڕ لە مێرکاتۆ بەردەدەن
یاریگا –
مانچێستەر یونایتد لەگەڵ نوسەیر مەزراوی مەغریبی گەیشتە رێککەوتن.
رۆژنامەنووسی باوەڕپێکراو فابریزیۆ رۆمانۆ بڵاویکردووەتەوە، مانچێستەر یونایتد لەگەڵ مەزراوی گەیشتووەتە رێککەوتن و یاریزانە مەغریبییەکە پەیوەندی بە شەیتانە سوورەکان دەکات.
🚨🔴 Understand the agreement reached between Man United and Noussair Mazraoui is on five year deal valid until June 2029.
It also includes an option for further year, 2030. Same as Joshua Zirkzee and Leny Yoro.
Mazraoui, waiting for United… as they’ve to sell Wan-Bissaka. pic.twitter.com/OxRzjcdxJV
— Fabrizio Romano (@FabrizioRomano) July 29, 2024
بەگوێرەی زانیارییەکانی رۆمانۆ، گرێبەستەکەی مەزراوی لەگەڵ مانچێستەر یونایتد بۆ ماوەی 5 وەرز دەبێت و تاوەکو هاوینی 2029 گرێبەستەکەی واژۆ دەکات. هەروەها هاوشێوەی گرێبەستەکانی لێنی یۆرۆی فەرەنسی و جۆشوا زیرکزی هۆڵەندی، بژاردەی نوێکردنەوەی گرێبەستەکەی نوسەیریش بۆ وەرزێکی دیکە و تا هاوینی 2030 لەبەردەستدا دەبێت.
رۆژنامەنووسە ئیتاڵییەکە ئاماژەی بەوەش کردووە، نوسەیر چاوەڕوانی مان یونایتد دەبێت تاوەکو ئارۆن وان بیساکا بفرۆشێت، ئینجا هەنگاو بەرەو واژۆکردنی گرێبەستەکەی دەنێت.
هاوکات لە هەفتەی رابردوودا، مەزراوی لە پەیوەندیکردن بە وێستهام یونایتد زۆر نزیکبوو، بەڵام بەهۆی حەزی یاریزانە مەغریبییەکە بۆ یاریکردن بۆ مان یونایتد، گواستنەوەکە هەرەسی هێنا.
بۆ گواستنەوەی یاریزانێک وێستهام لەگەڵ بایرن میونشن رێکدەکەوێت
