پاریس سانجێرمان ئەستێرەیەکی هۆڵەندی دەکاتە ئامانج
پاریس دوو ناوەڕاستکاری دەوێت
یاریگا –
پاریس سانجێرمان ئامانجییەتی لە مێرکاتۆی هاوینە دوو ناوەڕاستکار بۆ یانەکەی بگوازێتەوە.
رۆژنامەی لیکیپ بڵاویکردووەتەوە، پاریس سانجێرمان دەیەوێت گرێبەست لەگەڵ دوو ناوەراستکاری نوێ واژۆ بکات، جواو نێڤێسی پۆرتوگالی و ئەستێرەی بێنفیکا ئامانجی سەرەکی یانەکەیە، پاریسییەکان دەیانەوێت لەم هەفەتەیە گرێبەستەکەی یەکلایی بکەنەوە.
مانوێل ئۆگارتی ئوروگوای نزیکە لە جێهێشتنی یانە فەرەنسییەکە و بە ئەگەرێکی زۆر پەیوەندی بە یانەی مانچێستەر یونایتدی ئینگلیزی دەکات.
Le PSG pourrait recruter deux milieux de terrain dans ce mercato en fonction des départs. Le Néerlandais Jerdy Schouten (PSV Eindhoven) fait partie de la liste parisienne pour le deuxième https://t.co/NJ6AQFss4u pic.twitter.com/QqmZ5JGB8g
— L’ÉQUIPE (@lequipe) July 29, 2024
بەگوێرەی زانیارییەکانی رۆژنامە فەرەنسییەکە، یێردی سخاوتنی هۆڵەندی و ئەستێرەی یانەی ئایندهۆڤن ئامانجی دووەمی سانجێرمانە و دەیانەوێت دوای یەکلایی کردنەوەی گرێبەستی نێڤێس یاریزانەکەی هەڵبژاردەی هۆڵەنداش بگوازنەوە.
لیکیپ ئاماژەی بەوەش کردووە، لویس کامپۆسی بەڕێوبەری وەرزشی پاریس سانجێرمان هەوڵەکانی بۆ گواستنەوەی سخاوتن دەستپێکردووە، کە نرخی یاریزانەکە 28 ملیۆن یۆرۆیە.
ناوەڕاستکارە تەمەن 27 ساڵانییەکە بە درێسی ئایندهۆڤن بەشداری 40 یاریی کردووە و 4 گۆڵی کردووە. نازناوێکی خولی هۆڵەندیشی لەگەڵ یانەکەی بەدەستهێناوە.
