یاریگا –
سعوودیە دەیەوێت یەکێکە لە گەورەترین یاریگاکانی جیهان لە ریازی پایتەخت دروسبکات.
وەزارەتی وەرزشی سعوودیە بڵاویکردووەتەوە، بڕیار بۆ دروستکردنی یاریگایەکی گەورە دراوە، کە توانای لەخۆگرتنی 92 هەزار هاندەری هەیە و دەبێتە یەکێک لەو یاریگایانەی بۆ میوانداریکردنی مۆندیالی 2034 ئامادەدەکرێت.
بەگوێرەی پێشبینییەکانی ئاژانسی هەواڵی سعوودیە بێت، یاریگاکە لە کۆتاییەکانی ساڵی 2029 تەواو دەبێت و ناوی دەکرێتە یاریگای شا سەلمان.
یاریگاکە دەبێتە بنکەی سەرەکی هەڵبژاردەی سعوودیە و دەتوانێت میوانداری پاڵەوانیەتییە گەورەکانی جیهان بکات.
جیا لە یاریگای تۆپی پێ، کۆمەڵگەیەکی گەورەی یارییەکانی داخرا و مەلەوانگەیەکی ئۆڵێمپی لەخۆدەگرێت.
شەش کۆمپانیای گەورەی جیهانی دیزاینی دروستکردنی یاریگاکەیان پێشکەشکردبوو، تاوەکو لەگەڵ ستانداردەکانی فیفا هاوتەریب بێت.
لە مارس/ئاداری رابردوودا، سعوودیە فایڵی میوانداریکردنی مۆندیالی 2034 پێشکەشی فیفاکردووە، هەرچەندە بە فەرمی پەسند نەکراوە، بەڵام پێشبینی دەکرێت سعوودیە بە تەنیا میوانداری پاڵەوانیەتییەکە بکات.
