نیکۆ ویلیامس بڕیاری کۆتایی خۆی دا

یاریگا –

نیکۆ ویلیامس لەبارەی یانەی داهاتووی خۆی بڕیاری کۆتایی دا و دەزانێت دوای دوو هەفتەی دیکە لە کامە یانە یاریی دەکات.

رۆژنامەی مارکای ئیسپانی ئاشکرایکردووە، نیکۆ ویلیامز یاریزانی ئیسپانی یانەی ئاتلێتیک بلباو بڕیاری کۆتایی خۆی داوە و لە ئێستاوە دەزانێت دوو هەفتەی دیکە دوای کۆتایی هاتنی ماوەی پشوودانەکەی یاریی بۆ کامە یانە دەکات، تەنانەت نیکۆ بڕیارەکەی خۆی بە کەسە نزیکەکانیشی راگەیاندووە.

رۆژنامەی موندۆ دیپۆرتیڤۆی کەتەلۆنی ئاشکرایکردووە، پاریس سانجێرمان دەیەوێت بە هەمووو شێوەیەک پارە بەکار بهێنێت بۆ ئەوەی نیکۆ رازی بکات روو لە یانە فڕەنسییەکە بکات، بارسێلۆناش هێشتە گەشبینە بەوەی دەتوانێت ئەو یاریزانە لە بلباو بباتە ریزەکانی، تەنانەت دیکۆ لەگەڵ شاندی یانەکە گەشتی ئەمریکا ناکات و دەیەوێت گرێبەستی ویلیامس یەکلا بکاتەوە.

لەلایەکی دیکە رۆژنامەی سپۆرتی کەتەلۆنی ئاشکرایکردووە، لە بارسێلۆنا هەمووان متمانەیان هەیە نیکۆ بگوازنەوە و لە ئاتلێتیک بلباویش متمانەیان هەیە یاریزانەکەیان لە یانەکەیان دەمێنێتەوە و ناڕوات.

رۆژی 11ـی مانگی داهاتوو دوای نزیکەی دوو هەفتەی دیکە، ویلیامس پشووەکەی کۆتایی دێت و دەگەڕێتەوە مەشق و راهێنانەکانی یانەکەی کە لەم هاوینە لەگەڵ هەڵبژاردەی ئیسپانیا جامی نەتەوەکانی ئەوروپای بردەوە.

ویلیامس (22 ساڵان) تاوەکو هاوینی 2027 گرێبەستی لەگەڵ ئاتلێتک بلباو هەیە و نرخی هەڵوەشاندنەوەی گرێبەستەکەی 60 ملیۆن یۆرۆیە و لە بۆرسەی یاریزانان ئیستا نرخەکەی گەیشتووەتە 70 ملیۆن یۆرۆ.