بێڵینگهام دەستی بە فرۆشتنی جلوبەرگی براندی خۆی کرد

یاریگا –

بێڵینگهام دەستی بە فرۆشتنی جلوبەرگی براندی خۆی کرد و چاکەت و تراکسوتێکی تایبەت لەژێر ناوی خۆی دەفرۆشێت.

رۆژنامەی دەیلی مەیلی بەریتانی ئاشکرایکردووە، کۆمپانیای ئادیداسی ئەڵمانی کە سپۆنسەری جود بێڵێنگهام ناوەڕاستکاری ئینگلیزی یانەی ریال مەدریدی ئیسپانییە، چاکەت و تراکسوتێکی تایبەتی بەناوی ‘JB’ بەهەرمهێناوە و ئێستا لە بازاڕ دەفرۆشرێت.

چاکەت و تراکسوتەکەی بێڵێنگهام یەکەم بەرهەمە لەژێر ناوی ئەو ناوەڕاسکارە ئینگلیزییە بفرۆشرێت، کە رەنگی سپی و شینە، نرخی چاکەتەکەی لە فرۆشگا فەرمییەکانی ئادیداس 90 پاوەندە و نرخی تراکسووتەکەشی بە 85 پاوەندە.

جگە لە چاکەت و تراکسووت، هەر لەژێر ناوی براندەکەی بێڵێ شۆڕت و تیشێرتی تایبەتیش بە هەمان دیزاین و بە هەمان ناو لەلایەن ئادیداسەوە بەرهەمهێنراوە و دەست بە فرۆشتنی کراوە.