فیفا سزا قورسەکانی سەر تیمی ئۆڵێمپی کەنەدای راگەیاند
یاریگا –
یەکێتی تۆپی پێی جیهانی بە فەرمی سزاکانی سەر تیمی ئۆڵێمپی ئافرەتانی کەنەدای راگەیاند.
پێنجشەممەی رابردوو کەنەدا توانی 2-1 لە نیوزلەندا بباتەوە. بەڵام زۆری پێنەچوو شیرینی بردنەوەکەیان لێ گۆڕدرا بۆ تاڵیی کاتێک زانرا کە بە درۆن سیخوڕییان بەسەر راهێنانەکانی دژبەرەوە کردوو. ئەوەیش بووە هۆی سڕکردنی راهێنەرەکەیان و چەند کەسێکیتر لە هەڵبژاردەکە.
بۆ زانینی زیاتر، خوێنەری ئەم هەواڵەبە:
درۆنێک بووە هۆی ئه‌وه‌ی راهێنەرێکی ئافره‌ت لە ئۆڵێمپیاد دوور بخرێتەوە
ئەوە بەس نەبوو، ئەمڕۆ فیفا سزای قورستری راگەیاند کە بەسەر کەنەدای سەپاندووە. ئەوەش بە داشکاندندنی 6 خاڵ سزای دارایی بە بڕی 200 هەزار فرانکی سویسری.
ئافرەتانی کەنەدا هەڵگری مێدالیای ئۆڵێمپیادی تۆکیۆن. بەم سزایانەیش ئەرکەکەیان قورستر بوو بۆ سەرکەوتن لە گروپەکەیان کە هاوشانی فەڕەنسا و کۆڵۆمبیا و نیوزلەندا.
