خاڤیێر تێباس رەخنەی توند لە ئاهەنگی کردنەوەی ئۆڵێمپیادی پاریس دەگرێت
یاریگا –
خاڤیێر تێباس، سەرۆکی لالیگا بە توندی رەخنەی لە رووداوەکانی مەراسیمی کردنەوەی ئۆڵێمپیادی پاریس گرت و پێی وایە کە سووکایەتییان بە پیرۆزییەکان کردووە.
مەراسیمی کردنەوەی یارییەکانی ئۆڵێمپیادی پاریس 2024 زۆر رووداوی تێدا بوو.
ئەو مشتومڕەی کە بەشێک لە رووداوەکانی ئەم پاڵەوانەتییە گەورەیە دروستی کردبوو، رەنگدانەوەی بەرفراوانی لە تۆڕە کۆمەڵایەتییەکان هەبوو تا ئەو رادەیەی کە خاڤیێر تێباس تویتێکی ئاگرینی دژی ئەم مەراسیمە بڵاوکردۆتەوە.
سەرۆکی لالیگا لە تویتێکدا نووسیویەتی
قبوڵنەکراو، بێ رێزی، بەدناو کردن! بەکارهێنانی وێنەی دوایین ئێوارەخوان لە یارییەکانی ئۆڵێمپیادی پاریس، سووکایەتیکردنە بەو کەسانەی کە مەسیحین. کوا رێزگرتن لە بیروباوەڕی ئایینی؟
Inaceptable, irrespetuoso, infame ! Usar la imagen de la Última Cena en los Juegos Olímpicos de París es un insulto para los que somos cristianos. ¿Dónde queda el respeto por las creencias religiosas?. #Respeto #JuegosOlímpicos” pic.twitter.com/2IKX4NJz7S
— Javier Tebas Medrano (@Tebasjavier) July 27, 2024
مەراسیمی کردنەوەی ئۆڵێمپیادی پاریس بە بەشداری 3000 هونەرمەند و هەزاران وەرزشوان و هاندەر لە بەردەم رووباری سێن لە پاریس بەڕێوە و چوو و هەرچەندە ئاهەنگەکە مێژووی تۆمار کرد بەڵام رووبەڕووی چەندان رەخنە بوویەوە.
