بازاڕی گواستنه‌وه‌عێراقگرنگترین
تەواو؛ هەولێر لەگەڵ گۆڵکارێکی خولی کوردستان گەیشتە رێککەوتن
یاریگا –
یادگار ئیبراهیم لە چەند کاتژمیری داهاتوو گرێبەستەکەی واژۆ دەکات و دەبێتە یاریزانی یانەی هەولێر.
تۆڕی وەرزشی یاریگا زانیویەتی، یانەی هەولێر لەگەڵ یادگار ئیبراهیم هێرشبەری یانەی سەیدسادق گەیشتووەتە رێککەوتن و لە ماوەی 24 کاتژمێری داهاتوو ئەو یاریزانە گرێبەستەکەی واژۆ دەکات، تەنیا چەند رێکارێکی کارگێڕی ماون بۆ ئەوەی بەفەرمی گرێبەستەکە واژۆ بکرێت.
یادگار ئیبراهیم وەرزی ڕابردووی لە خولی نایابی کوردستان بە هاوبەشی لەگەڵ دانا کامەران هێرشبەری یانەی پێشمەرگەی هەولێر بە تۆمار کردنی 18 گۆڵ بووە گۆڵکاری خولەکە.
یادگار ئیبراهیم (24 ساڵان) پێشتر لە یانەکانی بازیان و ئاشتی و نەفتی شیماڵ یاریی کردووە و وەرزی رابردوو لە ریزی یانەی سەیدسادق لە خولی نایابی کوردستان یاریی دەکرد.
