یاریگا –
راپۆرتە رۆژنامەوانیەكان ئاشكرایانكرد، یانەی پاریس سانجێرمانی فەڕەنسی ئۆفەرێكی بۆ گواستنەوەی نیكۆ ویلیامس پێشكەشی ئاتلێتیك بلباو كردووە.
گرێبەستەكەی ویلیامس لەگەڵ بلباو لە هاوینی ساڵی 2027 بەسەردەچێت.
🟦 El PSG duplica la oferta del Barça por Nico Williams
✍️ @jbatalla7 https://t.co/5jfk8yOJqJ
— Mundo Deportivo (@mundodeportivo) July 25, 2024
بە گوێرەی زانیارییەكانی رۆژنامەی موندۆ دیپۆرتیڤۆی ئیسپانی یانەی پاریس سانجێرمان پێشنیاری دوو ئەوەندە كردنی موچەی نیكۆ ویلیامس دەكات، بۆ ئەوەی بارسێلۆنا نەتوانێت گرێبەستی لەگەڵ واژۆ بكات.
هەمان سەرچاوە ئەوەشی ئاشكرا كردووە، گرێبەستكردن لەگەڵ نیكۆ ویلیامس گەورەترین كاری بارسێلۆنایە لە گواستنەوەكانی هاوینەدا.
ئاماژە بەوەشكراوە، سەرەڕای ئەو ئۆفەری پاریس سانجێرمان بەڵام هێشتا بارسێلۆنا ئارامە و پێی وایە كە یاریزانەكە دەیەوێت وەرزی داهاتوو لە یانەكەیان یاری بكات.
نیكۆ ویلیامس لەگەڵ هەڵبژاردەی ئیسپانیا توانیان نازناوی جامی نەتەوەكانی ئەوروپا ببەنەوە، دوای ئەوەی لە یاری كۆتاییدا شكستیان بە ئینگلتەرا هێنا.
