یاریگا –
جاراد برانسوەیت لە بەرانبەر مانەوەی لە ئیڤەرتن، یانەکەی دەخاتە ژێر مەرجی قورسەوە.
ماوەیەکی زۆرە بەرگریکارە ئینگلیزیەکە ئامانجێکی سەرەکی مانچێستەر یونایتدە و تا ئەو کاتەی جارێکیتر ماتیاس دی لیختی هۆڵەندی جارێکیتر هاتووەتە نێو هەڵسەنگاندنەکانیانەوە بەوپێیەی گواستنەوەی ناوبراو واقیعیتر و کەمتریش دەکەوێت لەسەر خەزێنەی مان یو. درێژەی ئەو بابەتە لەم هەواڵە بخوێنەوە:
بە جارێکیتر گرنگیدان بە دی لیخت، وای لە جاراد براسوەیت کردووە کە مەرجی قورس بسەپێنێت بەسەر ئیڤەرتندا تا هەرچی زووە دەستبەرداریبن و لەمپەر لەبەردەم گواستنەوەی بۆ مانچێستەر دورست نەکەن.
بەگوێرەی زانیارییەکانی مەیڵ سپۆرتی ئینگلیزی، بەرگریکارە 22 ساڵانەکە هیچ نیازێکی نییە بۆ درێژکردنەوەی گرێبەستەکەی لەگەڵ ئیڤەرتن ئەگەر بێت و مووچەی هەفتانەکەی بۆ نەکەن بە 160 هەزار پاوەند هاوشێوەی ئەوەی شەیتانە سوورەکان ئامادەبوون پێی بدەن.
🚨 Jarrad Branthwaite has no intention of signing a new contract extension at Everton unless they can match the £160,000-a-week being offered by Manchester United.
(Source: @MailSport) pic.twitter.com/KD2hBBTd8w
— Transfer News Live (@DeadlineDayLive) July 25, 2024
مووچەی هەفتانەی ئێستای برانسوەیت 35 هەزار پاوەندە. بەرزترین مووچەی یاریزان لە ریزەکانی ئڤەرتن عەبدوڵایی دۆکۆر وەریدەگرێت کە 130 هەزار پاوەندە. ئەگەر بێت و یانەکە بە مەرجەکەی جاراد رازی بێت، ئەوا ناوبراو دەبێتە خاوەنی بەرزترین مووچەی هەفتانە.
