مانچێستەر چاوی لە مامەڵەیەکی ژیرانەیە لە دەستبەرداربوون لە وان بیساکا
یاریگا –
مانجێستەر یونایتد دەیەوێ لە مامەڵەیەکدا سوودێکی دوولایەنە ببینێ لە دەستبەرداربوون لە ئارۆن وان بیساکا.
یاریزانە ئینگلیزیەکە کە ساڵی 2019 بە بڕی 45 ملیۆن پاوەند لە کریستاڵ پاڵاسەوە گواسترایەوە ئۆڵدترافۆرد، تەنها یەک ساڵی گرێبەستەکەی ماوە لەگەڵ مان یو، لە ئێستاشدا چەند یانەیەکی وەک وێستهام یونایتد و فەنەرباچێ و گالاتەسەرای نیازیان لە گواستنەوەی هەیە. خودی یاریزانەکەیش زیاتر حەزی لە یاریکردنە بۆ ئینتەر میلانی ئیتاڵی. هەر بۆیە، بەگوێرەی زانیارییەکانی رۆژنامەی ئاتڵەنتیکی بەریتانی، مانچێستەر دەیەوێ دێنزیل دەمفریس بهێنێتە ناو مامەڵەکەوە و بۆ ئەو مەبەستەیش گفتوگۆکانی دەستپێکردووە.
🚨 Manchester United are exploring a swap deal with Inter that would see Aaron Wan-Bissaka move to Italy and Denzel Dumfries come to England.
(Source: @TheAthleticFC) pic.twitter.com/QFvAaIySPO
— Transfer News Live (@DeadlineDayLive) July 25, 2024
نرخی بیساکای تەمەن 26 ساڵ بە 15 ملیۆن پاوەند دیاریکراوە، بەڵام هەرزوو ئۆفەرەکانی هامەرزی رەتکردەوە.
هەرچی دەمفرسی هۆڵەندیە، ئەویش هاوشێوەی بیساکا لە کۆتا ساڵی گرێبەستەکەیەتی لەگەڵ نێرازۆری و گفتگۆکانی نوێکردنەوەیش نەگەشتووە بە ئەنجامێکی روون.
یاریزانە هۆڵەندیە 28 ساڵانەکە لەوەتەی 2021 لە ئایندهۆڤنی وڵاتەکەیەوە روویکردووەتەوە ئینتەر، وەک یاریزانێکی دیار و کاریگەری یانە ئیتاڵیەکە دەردەکەوێت و هاوکارێکی گەورەی سەرکەوتنەکانی ئەو چەند ساڵەی شینپۆشەکانی میلانۆ بووە.
